ହାଇଦ୍ରାବାଦ: ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ସଞ୍ଜୟ ଲୀଲା ଭଂସାଲୀଙ୍କ ଆଜି ଜନ୍ମଦିନ । ସେ ଆଜି 59ତମ ଜନ୍ମଦିନ ପାଳନ କରୁଛନ୍ତି । ସଞ୍ଜୟ ଲୀଲା ଭଂସାଲୀ 1964 ମସିହା ଫେବୃଆରୀ 24ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ । ଭଂସାଲୀ 'ହମ ଦିଲ ଦେ ଚୁକେ ସନମ', 'ଦେବଦାସ', 'ବାଜିରାଓ ମସ୍ତାନୀ', 'ପଦ୍ମାବତ' ଏବଂ 'ଗୋଲିୟୋଁ କି ରାସଲିଲା ରାମଲୀଲା' ଭଳି ଚଳଚ୍ଚିତ୍ର ପାଇଁ ଜଣାଶୁଣା । ଭଂସାଲୀଙ୍କ ଆଗାମୀ ଚଳଚ୍ଚିତ୍ର ହେଉଛି 'ଗଙ୍ଗୁବାଇ କାଠିଆୱାଡି' । ଏହି ଚଳଚ୍ଚିତ୍ରରେ ଆଲିଆ ଭଟ୍ଟ ଏବଂ ଅଜୟ ଦେବଗନ୍ ମୁଖ୍ୟ ଭୂମିକାରେ ନଜର ଆସିବେ ।
ଏହି ଚଳଚ୍ଚିତ୍ରଟି ଫେବୃଆରୀ 25ରେ ସିନେମା ହଲରେ ମୁକ୍ତିଲାଭ କରିବ । ସଞ୍ଜୟ ଲୀଲା ଭଂସାଲୀ ଗଙ୍ଗୁବାଇ କାଠିଆୱାଡି ଚଳଚ୍ଚିତ୍ରକୁ ତାଙ୍କର 'ଡ୍ରିମ ପ୍ରୋଜେକ୍ଟ' ବୋଲି କହିଛନ୍ତି । ଆସନ୍ତୁ ଏସବୁ ସହିତ ଜାଣିବା ଯେ, ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କ ବିଷୟରେ କିଛି ଅଜଣା କଥା ।
ଭଂସାଲୀଙ୍କ ଡେବ୍ୟୁ ଫିଲ୍ମ
ଭଂସାଲୀ (film director Sanjay Leela Bhansali unknown facts) ବଲିଉଡରେ ଜଣେ ମଲ୍ଟିଟାସ୍କର ଭାବରେ ଜଣାଶୁଣା । ଚଳଚ୍ଚିତ୍ର ନିର୍ଦ୍ଦେଶକ ହେବା ବ୍ୟତୀତ ସେ ଜଣେ ନିର୍ମାତା, ସଙ୍ଗୀତ ନିର୍ଦ୍ଦେଶକ ଏବଂ ସ୍କ୍ରିନ୍ ରାଇଟର ମଧ୍ୟ ଅଟନ୍ତି । ଭଂସାଲୀ ପିଲାଦିନରୁ ଚଳଚ୍ଚିତ୍ର ଜଗତରେ ଏକ ନାଁ ସୃଷ୍ଟି କରିବାକୁ ଚାହୁଁଥିଲେ, ସେହି ଇଚ୍ଛାକୁ ବାସ୍ତବରେ ପରିଣତ କରିବାକୁ ସେ ପୁଣେର ଫିଲ୍ମ ଆଣ୍ଡ ଟେଲିଭିଜନ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆରୁ ଅଧ୍ୟୟନ କରିଥିଲେ ।
ଏହା ପରେ ସେ ଏକ ଏଡିଟିଂ କୋର୍ସ ମଧ୍ୟ କରିଥିଲେ । FTIIରୁ ଫିଲ୍ମମେକିଂ କୋର୍ସ କରିବା ପରେ ସଞ୍ଜୟ ଲୀଲା ଭଂସାଲି ନିର୍ଦ୍ଦେଶକ ବିଧୁ ବିନୋଦ ଚୋପ୍ରାଙ୍କ ସହିତ କାମ କରିବା ଆରମ୍ଭ କଲେ । ସଞ୍ଜୟ 1996 ମସିହାରେ ଚଳଚ୍ଚିତ୍ର 'ଖେମୋଶି' ସହିତ ବଲିଉଡରେ ନିର୍ଦ୍ଦେଶକ ଡେବ୍ୟୁ କରିଥିଲେ । ଅବଶ୍ୟ, ଏହି ଚଳଚ୍ଚିତ୍ର ରିଲିଜ୍ ହେବା ପୂର୍ବରୁ ସେ 'ପରିନ୍ଦା' (1989) ଏବଂ '1942: ଅ ଲଭ୍ ଷ୍ଟୋରୀ' (1994)ରେ ସହକାରୀ ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ । ସେ 'ପରିନ୍ଦା' ସହିତ ତାଙ୍କର ନିର୍ଦ୍ଦେଶନା କ୍ୟାରିଅର ଆରମ୍ଭ କରିଥିଲେ।