ମୁମ୍ବାଇ: କୋରୋନା ମୁକାବିଲା ପାଇଁ ସବୁ ବର୍ଗର ବ୍ୟକ୍ତି ଦେଶବାସୀଙ୍କୁ ସଚେତନ କରିବାକୁ ଲାଗିଛନ୍ତି । ରାଜନେତାଠାରୁ ଫିଲ୍ମ ଷ୍ଟାର, ଖେଳାଳି ସମସ୍ତେ ଲୋକଙ୍କୁ ସୁରକ୍ଷିତ ରହିବାକୁ ପରାମର୍ଶ ଦେଇଛନ୍ତି । ବିଭିନ୍ନ ସମୟରେ ଅନେକ ଭିଡିଓ ଦ୍ବାରା ବାର୍ତ୍ତା ଦେଉଛନ୍ତି । ସେହିପରି ସୋମବାର ଅକ୍ଷୟ କୁମାରଙ୍କ ଦ୍ବାରା ଏକ ଗୀତ ଭିଡିଓରେ କୋରୋନା ବିରୋଧୀ ଲଢେଇ ଉପରେ ବାର୍ତ୍ତା ଦେଇଥିଲେ ବଲିଉଡ ଷ୍ଟାର ।
ମଙ୍ଗଳବାର ମଧ୍ୟ ରିଲିଜ ହୋଇଛି ଏକ ସର୍ଟ ଫିଲ୍ମ । ଏଥିରେ କେବଳ ବଲିଉଡ ନୁହନ୍ତି ସାରା ଦେଶର ଫିଲ୍ମ ଇଣ୍ଡଷ୍ଟ୍ରି ଏକାଠି ହୋଇଛନ୍ତି । ବଲିଉଡ ସହ ଟଲିଉଡ, କଲିଉଡ ମଧ୍ୟ ସାଥ ଦେଇଛନ୍ତି । ବେଙ୍ଗଲଠାରୁ ଦକ୍ଷିଣ ଭାରତ ଯାଏଁ ସମସ୍ତ ଫିଲ୍ମ ଇଣ୍ଡଷ୍ଟ୍ରିର ବଡ ବଡ ଷ୍ଟାର ଏଥିରେ ସାମିଲ ହୋଇଛନ୍ତି । ଏପରିକି ବିଦେଶରୁ ପ୍ରିୟଙ୍କା ଚୋପ୍ରା ମଧ୍ୟ ଏହି ଭିଡିଓରେ ନଜର ଆସିଛନ୍ତି । ଏମାନେ ସମସ୍ତେ ଲୋକଙ୍କୁ ଘରେ ରହିବା ସହ ସଚେତନ ହେବାକୁ ପରାମର୍ଶ ଦେଇଛନ୍ତି ।
ତେବେ ସବୁଠାରୁ ବଡ କଥା ହେଲା ଏହି ଫିଲ୍ମ ପାଇଁ କୌଣସି ତାରକା ଏକାଠି ହୋଇନାହାନ୍ତି । ସମସ୍ତେ ନିଜ ନିଜ ଘରୁ ଭିଡିଓ ବନାଇ ଏହାକୁ ତିଆରି କରିଛନ୍ତି । କିନ୍ତୁ ଭିଡିଓଟି ଦେଖିଲା ପରେ ଆପଣଙ୍କୁ ଲାଗିପାରେ ସମସ୍ତେ ଯେପରି ଗୋଟିଏ ଘରେ ଅଛନ୍ତି । ଫିଲ୍ମର ନାମ ରହିଛି ‘ପରିବାର’ । ଏହାର ଅର୍ଥ ଗୋଟିଏ ପରିବାରରେ ସମସ୍ତେ କିପରି ସମୟ କାଟୁଛନ୍ତି । ପ୍ରଥମେ ଆରମ୍ଭ ଅମିତାଭ ବଚ୍ଚନଙ୍କଠାରୁ ହୋଇଛି ଯିଏ ନିଜର କଳା ଚଷମା ଖୋଜୁଛନ୍ତି । ଆଉ ଏହାପରେ ଜଣକ ପରେ ଜଣେ ଷ୍ଟାର ଘର ଭିତରେ ତାଙ୍କ ଚଷମା ଖୋଜିବାରେ ଲାଗିଛନ୍ତି ।