ମୁମ୍ବାଇ: ଦେଶରେ ଚାଲିଥିବା ଚାଷୀ ଆନ୍ଦୋଳ ବର୍ତ୍ତମାନ ସୋସିଆଲ ମିଡିଆରେ ମଧ୍ୟ ଚର୍ଚ୍ଚାର ବିଷୟ ପାଲଟିଛି । ଯେଉଁଥିରେ ବଲିଉଡ ସେଲିବ୍ରିଟି ପରସ୍ପର ସହ ଲଢୁଥିବାର ନଜର ଆସୁଛନ୍ତି । ସେପଟେ ପଞ୍ଜାବୀ ଫିଲ୍ମ ଇଣ୍ଡଷ୍ଟ୍ରିରେ ମଧ୍ୟ ମାହୋଲ ଗରମ । ନିକଟରେ ହଲିଉଡ ପପ୍ ଗାୟିକା ତଥା ଅଭିନେତ୍ରୀ ରିହାନାଙ୍କ ଦ୍ବାରା କରାଯାଇଥିବା ଏକ ଟ୍ବିଟକୁ ନେଇ ବଢିଚାଲିଛି ବିବାଦ। ଯାହାକୁ ଆଧାର କରି ଫିଲ୍ମ ଇଣ୍ଡଷ୍ଟ୍ରି ଦୁଇଟି ଭାଗରେ ବିଭକ୍ତ ହୋଇଯାଇଛି । ଇତିମଧ୍ୟରେ ବି-ଟାଉନର ସିଂଘମ ଅଜୟ ଦେବଗନ ଓ ପଞ୍ଜାବୀ ଗାୟକ ଜାଜ୍ ଧାମି ମୁହାମୁହିଁ ହୋଇଛନ୍ତି ।
ଚାଷୀ ଆନ୍ଦୋଳନକୁ ନେଇ ମୁହାଁମୁହିଁ ଅଜୟ-ଧାମି
ପୁଣି ଦୁଇ ସେଲିବ୍ରିଟିଙ୍କ ଟ୍ବିଟର ୱାର ଆରମ୍ଭ ହୋଇଛି । ଚାଷୀ ଆନ୍ଦୋଳନକୁ ନେଇ ଗତ ବର୍ଷ କଙ୍ଗନା ରଣାୱତ ଓ ଦିଲଜିତ ଦୋସାଞ୍ଝ ସୋସିଆଲ ମିଡିଆରେ ଲଢିଥିଲେ । ଅଧିକ ପଢନ୍ତୁ...
ଡିଜାଇନ ଫଟୋ
କଥାଟି ହେଲା ଯେ ଅଜୟ ଦେଶ ବିରୋଧରେ ଖରାପ ବାର୍ତ୍ତା ପ୍ରଚାର ପ୍ରସାର କରିବାକୁ ମନା କରିଛନ୍ତି । ସେପଟେ ସେ ଏକ ଟ୍ବିଟରେ ଲେଖିଥିଲେ, ‘ଭାରତ କିମ୍ବା ଭାରତୀୟ ନୀତି ବିରୁଦ୍ଧରେ କୌଣସି ମିଥ୍ୟା ପ୍ରଚାରେ ପଡନ୍ତୁ ନାହିଁ । ଏହି ସମୟରେ ସମସ୍ତେ ଏକଜୁଟ ହୋଇ ରହିବା ଗୁରୁତ୍ବପୂର୍ଣ୍ଣ ।’
ଏବେ ଅଜୟଙ୍କ ଏହି ଟ୍ବିଟ ଉପରେ ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳୁଛି । ଗୋଟିଏ ପଟେ ଫ୍ୟାନ୍ସ ତାଙ୍କ ଏହି କଥାର ସ୍ବାଗତ କରୁଥିବା ବେଳେ ପଞ୍ଜାବୀ ସେଲିବ୍ରିଟି କ୍ରୋଧିତ ନଜର ଆସୁଛନ୍ତି । ଅଜୟଙ୍କ ଟ୍ବିଟର ଜବାବରେ ଧାମି ଲେଖିଛନ୍ତି, ‘ଫାଲତୁ । ଘରେ ବସି ଟ୍ବିଟ କରିବା ଆପଣଙ୍କ ପାଇଁ କେତେ ସହଜ କାମ । ତୁମେ ତୁମ ପରିବାର ଜଣେ ବୟସ୍କ ସଦସ୍ୟଙ୍କୁ ଗୋଟିଏ ଦିନ ପାଇଁ ଏହି ଥଣ୍ଡାକୁ ପଠାଇ ଦେଖ, ବୁଝିପାରିବ କିପରି ଏମାନେ ଆନ୍ଦୋଳନ କରୁଛନ୍ତି । ଦୁଃଖଦ କଥା ହେଲା ଯେ ଗ୍ଲୋବାଲ ଷ୍ଟାର ରିହାନା ଭଳି ଝିଅ ଆପଣଙ୍କୁ ନିଦରୁ ଉଠାଉଛନ୍ତି । ଲଜ୍ୟା ଲାଗିବା କଥା ବଲିଉଡ ।’