ହାଇଦ୍ରାବାଦ: ଋଷର ସେନା କ୍ରମାଗତ ଭାବରେ ୟୁକ୍ରେନରେ ବୋମାବର୍ଷଣ କରୁଛି । ୟୁକ୍ରେନର ପରିସ୍ଥିତି ଦିନକୁ ଦିନ ଖରାପ ହେବାରେ ଲାଗିଛି । ଏହା ସାମରିକ ବେସକୁ ଟାର୍ଗେଟ କରୁଥିବା ଋଷ ଦାବି କରୁଛି । ଆବାସିକ ଅଞ୍ଚଳଗୁଡିକ ଟାର୍ଗେଟ କରାଯାଉନାହିଁ । ଋଷର ଆକ୍ରମଣରେ ୟୁକ୍ରେନରେ ଡାକ୍ତରୀ ପଢୁଥିବା ଭାରତୀୟ ଛାତ୍ର ନବୀନ ଶେଖରପ୍ପାଙ୍କ ମୃତ୍ୟୁ ଘଟିଛି । ଏହି ଗୁଳି ବିନିମୟରେ ପ୍ରାଣ ହରାଇଥିବା ଛାତ୍ର ଜଣଙ୍କ କର୍ଣ୍ଣାଟକର ହାଭେରୀ ଜିଲ୍ଲାର ବୋଲି ଜଣାପଡିଛି । ଏହି ଖବର ଦେଖି ସମଗ୍ର ଦେଶ ଚକିତ ହୋଇଯାଇଛି। ୟୁକ୍ରେନରେ ଏବେ ବି ଅନେକ ଭାରତୀୟ ତଥାପି ଫସି ରହିଛନ୍ତି ଏବଂ ନିଜ ଘରକୁ ଫେରିବା ପାଇଁ ପ୍ରାର୍ଥନା କରୁଛନ୍ତି। ଭାରତୀୟ ଛାତ୍ରଙ୍କ ମୃତ୍ୟୁକୁ ନେଇ ଅଭିନେତା ଫରହାନ ଅଖତର ଦୁଃଖ ପ୍ରକାଶ କରିଛନ୍ତି।
ବୈଦେଶିକ ବ୍ୟାପାର ମନ୍ତ୍ରଣାଳୟ ଟ୍ବିଟର ମାଧ୍ୟମରେ ଏହି ଖବର ସେୟାର କରି କହିଛନ୍ତି ଯେ, ସେମାନେ ଛାତ୍ରଙ୍କ ପରିବାର ସହ ଯୋଗାଯୋଗରେ ଅଛନ୍ତି । ଟୁଇଟ୍ରେ କୁହାଯାଇଛି ଯେ ଗଭୀର ଦୁଃଖର ସହ ଆମେ ନିଶ୍ଚିତ କରୁଛୁ ଯେ ଖାର୍କିଭରେ ଗୁଳି ବିନିମୟରେ ଜଣେ ଭାରତୀୟ ଛାତ୍ରଙ୍କ ମୃତ୍ୟୁ ଘଟିଛି ।
ଟ୍ବିଟରରେ ନିଜର ଦୁଃଖ ପ୍ରକାଶ କଲେ ଫରହାନ
ସମସ୍ତ ଭାରତୀୟ ଛାତ୍ରଙ୍କୁ ନିରାପଦରେ ଭାରତକୁ ଫେରାଇ ଆଣିବା ପାଇଁ ଫରହାନ ଅଖତର ମଧ୍ୟ ସରକାରଙ୍କୁ ନିବେଦନ କରିଛନ୍ତି। ମଙ୍ଗଳବାର ଫରହାନ ତାଙ୍କର ଏକ ଟ୍ବିଟରେ ଲେଖିଛନ୍ତି, 'ଜଣେ ଭାରତୀୟ ଛାତ୍ର ବର୍ତ୍ତମାନ ୟୁକ୍ରେନରେ ଆକ୍ରମଣର ଶିକାର ହୋଇଛନ୍ତି। ପରିବାର ପାଇଁ ଦୁଃଖ ଅନୁଭବ କରୁଛି .. ସେମାନଙ୍କ ପ୍ରତି ମୋର ଗଭୀର ସମବେଦନା..ଆଶା ଅଛି ଆମର ସମସ୍ତ ନାଗରିକଙ୍କୁ ସୁରକ୍ଷିତ ଏବଂ ଶୀଘ୍ର ଘରକୁ ଆଣିପାରିବା ।