କ୍ରାନ୍ତି ମଇଦାନରେ ବିକ୍ଷୋଭକାରୀଙ୍କୁ ଏକାଠି ହେବାକୁ ନିମନ୍ତ୍ରଣ ଦେଲେ ଫରହାନ

ଫରହାନ ଅଖତରଙ୍କ ଅନୁୟାୟୀ ସୋସିଆଲ ମିଡିଆରେ ବର୍ତ୍ତମାନ ବିରୋଧ ପ୍ରଦର୍ଶନ କରିବା ସମୟ ଶେଷ ହୋଇଯାଇଛି । ଏହାସହ ସେ ସମସ୍ତଙ୍କୁ ମୁମ୍ବାଇର କ୍ରାନ୍ତି ମଇଦାନରେ ଯୋଗ ଦେବାକୁ ମଧ୍ୟ ଅପିଲ କରିଛନ୍ତି ।

ମୁମ୍ବାଇ: ବି-ଟାଉନର ଫେମସ ନିର୍ଦ୍ଦେଶକ, ଲେଖକ, ଅଭିନେତା ଫରହାନ ଅଖତର ନାଗରିକତା ସଂଶୋଧନ ଆଇନ ଏବଂ ଏହାକୁ ନେଇ ହେଉଥିବା ହିଂସା ମାମଲାରେ ସୋସିଆଲ ମିଡିଆରେ ସକ୍ରିୟ ନଜର ଆସୁଛନ୍ତି । ଆଉ ନିଜ ପ୍ରତିକ୍ରିୟା ମଧ୍ୟ ଦେବାରେ ଲାଗିଛନ୍ତି । ଇତିମଧ୍ୟରେ ସେ ପୁଣି ଏକ ଟ୍ବିଟ କରି ଚର୍ଚ୍ଚାରେ। ନାଗରିକତା ସଂଶୋଧନ ଆଇନ ପାଇଁ ଟ୍ବିଟ କରି ଫରହାନ ଲେଖିଛନ୍ତି ଯେ ସୋସିଆଲ ମିଡିଆରେ ବିରୋଧ କରିବାର ସମୟ ଶେଷ ହୋଇଯାଇଛି ।

ଫଟୋ ସୌଜନ୍ୟ: ଟ୍ବିଟର@ଫରହାନ ଅଖତର

ସେ ନିଜ ଟ୍ବିଟରେ ନାଗରିକତା ସଂଶୋଧନ ଆଇନ ଓ ନ୍ୟାସନାଲ ରେଜିଷ୍ଟର ଅଫ ସିଟିଜନ ସହ ସମ୍ପୃକ୍ତ ଥିବା ଏକ ଫଟୋ ସେୟାର କରିଛନ୍ତି । ଏହାସହ ସେ ଜଣାଇଛନ୍ତି ଯେ ଏହା ବିରୋଧରେ ଆନ୍ଦୋଳନ କାହିଁକି କରିବା ଦରକାର । ଆଉ ଲେଖିଛନ୍ତି, ‘ଏଠାରେ ଆପଣଙ୍କୁ ଜାଣିବାର ଅଛି ଯେ ବିରୋଧ ପ୍ରଦର୍ଶନ କାହିଁକି ଆବଶ୍ୟକ । ଆପଣ ସହ 19 ତାରିଖରେ କ୍ରାନ୍ତି ମଇଦାନରେ ଦେଖା ହେବୁ । ସୋସିଆଲ ମିଡିଆରେ ବିରୋଧ କରିବାର ସମୟ ଏବେ ଶେଷ ହୋଇଯାଇଛି ।’

ଫରହାନଙ୍କ ଟ୍ବିଟରୁ ଜଣାପଡୁଛି ଯେ ସେ ଖୁଲମଖୁଲା ଏହି ବିରୋଧ ପ୍ରଦର୍ଶନର ସମର୍ଥନ କରୁଛନ୍ତି । ଆଉ ଆସନ୍ତା କାଲି(ଗୁରୁବାର) ମୁମ୍ବାଇର କ୍ରାନ୍ତି ମଇଦାନକୁ ସମସ୍ତଙ୍କୁ ଆସିବା ପାଇଁ ଅପିଲ ମଧ୍ୟ କରିଛନ୍ତି । ସୋସିଆଲ ମିଡିଆ ବ୍ୟତୀତ ଖୋଲା ମଇଦାନରେ ଏହାର ବିରୋଧ କରିବାକୁ ଯାଉଛନ୍ତି । ଫରହାନଙ୍କ ବ୍ୟତୀତ ଅଭିନେତା ଜାଭେଦ ଜାଫରୀ ମଧ୍ୟ ଟ୍ବିଟ କରି ଲୋକଙ୍କୁ କ୍ରାନ୍ତି ମଇଦାନରେ ଯୋଗ ଦେବାକୁ ଅନୁରୋଧ କରିଛନ୍ତି ।

ପ୍ରକାଶ ଥାଉକି ଏଯାବତ ଅଭିନେତ୍ରୀ ସ୍ବରା ଭାସ୍କର, ରିଚା ଚଡ୍ଡା, ଜୀଶାନ ଅୟ୍ୟୁବ, ସୟାମୀ ଗୁପ୍ତା, ରେଣୁକା ଶହାଣେ ଓ ହୁମା କୁରୈଶୀ ଭଳି କଳାକାର ନାଗରିକତା ସଂଶୋଧନ ଆଇନ ମାମଲାରେ ନିଜର ପ୍ରତିକ୍ରିୟା ରଖିସାରିଛନ୍ତି ।