ହାଇଦ୍ରାବାଦ:ବଲିଉଡ଼ର ନମସ୍ତେ ଗର୍ଲ ତଥା ପଟୌଦି ସାରା ଅଲ୍ଲୀ ଖାନଙ୍କୁ ଆପଣ କୁର୍ତ୍ତା ଓ ଚୁଡିଦାର ଲୁକରେ ଅନେକ ଥର ଦେଖିଥିବେ । କିନ୍ତୁ ସାରା ମୁମ୍ବାଇରେ ଗତ ସେପ୍ଟେମ୍ବର ୨୫ ତାରିଖରେ ହୋଇଥିବା ଗ୍ଲୋବାଲ ଇଭେଣ୍ଟରେ ଶାଢୀ ଲୁକରେ ସମସ୍ତଙ୍କ ମନ କିଣିଛନ୍ତି । ପ୍ରଶଂସକ ସାରାଙ୍କ ଏହି ଲୁକ୍କୁ ଖୁବ ପସନ୍ଦ କରିଛନ୍ତି ।
ସାରା ଗ୍ଲୋବାଲ ସିଟିଜେନ ଲାଇଭ କ୍ୟାମ୍ପେନ ପାଇଁ କାର୍ଯ୍ୟ କରିଥାନ୍ତି । ତେବେ ସେ ଏହି ଇଭେଣ୍ଟରେ ଯୋଗ ଦେବା ପାଇଁ ସମ୍ପୂର୍ଣ୍ଣ ଭାବରେ ଇଣ୍ଡିଆନ ଲୁକ ନେଇଥିଲେ । ଯେଉଁଥିରେ ସେ ଏକ କଲରଫୁଲ ଶାଢୀ ପିନ୍ଧିଥିବା ଦେଖିବାକୁ ମିଳିଥିଲା । ଶାଢୀକୁ ମ୍ୟାଚ କରିବା ପରେ ଚୁଡି, ସିଲଭର ଝୁମକା ଓ ବିନ୍ଦି ପିନ୍ଧିଥିଲେ । ସାରାଙ୍କ ଏହି ଫଟୋ ସୋସିଆଲ ମିଡ଼ିଆରେ ପୋଷ୍ଟ ହେବା ମାତ୍ରେ ଫ୍ୟାନ୍ସ ତାଙ୍କ ଲୁକ ବହୁତ ପ୍ରଶଂସା କରିଥିଲେ ।