ପରଲୋକରେ ବଲିଉଡ ଗୁରୁ, କଳାକାରଙ୍କ ମଧ୍ୟରେ ଶୋକର ଛାୟା

ଗୁରୁବାର ମୁମ୍ବାଇରେ ବିଳମ୍ବିତ ରାତ୍ରିରେ ବଲିଉଡର ଗୁରୁ ରୋଶନ ତେନେଜା ପ୍ରାଣତ୍ୟାଗ କରିଛନ୍ତି ।

ମୁମ୍ବାଇ: ବଲିଉଡ ଗୁରୁ ରୋଶନ ତେନେଜାଙ୍କ ପରଲୋକ ଘଟିଯାଇଛି । ବହୁ ଦିନ ଧରି ସେ ଅସୁସ୍ଥ ଥିଲେ । ଫଳରେ ଗୁରୁବାର ମୁମ୍ବାଇରେ ବିଳମ୍ବିତ ରାତ୍ରିରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ 87ବର୍ଷ ବୟସ ହୋଇଥିଲା ।

ରୋଶନ ବଲିଉଡର ଜଣେ ଜଣାଶୁଣା ଅଭିନୟ ଗୁରୁ ଥିଲେ । ତେବେ ସେ ବହୁ ପ୍ରସିଦ୍ଧ ଅଭିନେତା ଏବଂ ଅଭିନେତ୍ରୀଙ୍କୁ ଅଭିନୟ ଶିଖାଇଥିଲେ । ଏଥିମଧ୍ୟରେ ଅଛନ୍ତି ସବାନା ଆଜମୀ, ନସିଋଦିନ୍ ଶାହା, ଜୟା ବଚ୍ଚନ ଓ ଅନିଲ କୁମାର। ତେବେ ତାଙ୍କ ବିୟୋଗରେ ବଲିଉଡ ଜଗତରେ ଶୋକର ଛାୟା ଖେଲିଯାଇଥିବା ବେଳେ ବହୁ କଳାକାର ତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ।