ମୁମ୍ବାଇ: ଛୋଟ ପରଦାର ରିୟାଲିଟି ଶୋ ବିଗ ବସ 13ରେ ନୂଆ ନୂଆ ଟ୍ବିଷ୍ଟ ପ୍ରାୟତଃ ଦେଖିବାକୁ ମିଳୁଛି। ମେକର୍ସ ଶୋରେ ଏଣ୍ଟରଟେନମେଣ୍ଟର ତଡକା ଲଗାଇବାରେ କୌଣସି ସୁଯୋଗ ଛାଡୁନାହାଁନ୍ତି। ନୂଆ ନୂଆ ସରପ୍ରାଇଜ ଦର୍ଶକଙ୍କୁ ଦେବାରେ ଲାଗିଛନ୍ତି। ଅନ୍ୟପଟେ ବିଗ ବସ ପ୍ରତିଯୋଗୀ ମଧ୍ୟ କାହାଠୁ କମ ନୁହେଁ। ପରସ୍ପର ସହ ଝଗଡା କରିବାରେ ଏମାନଙ୍କ ସମୟ ବିତୁଛି। ଇତିମଧ୍ୟରେ ଶୋକୁ ନେଇ ନୂଆ ଖବର ସାମ୍ନାକୁ ଆସିଛି। ଯାହା ଶୁଣି ଖୁସି ହୋଇଯିବେ ଦର୍ଶକେ। କାରଣ ବିଗ ବସ 13ରେ ଏଣ୍ଟ୍ରି କରିବାକୁ ଯାଉଛନ୍ତି ସିଜନ 8ର ବିଜେତା ଗୌତମ ଗୁଲାଟି।
ବିଗ ବସ 13 ହାଉସରେ ଗୌତମ ଗୁଲାଟି - ଛୋଟ ପରଦାର ରିୟାଲିଟି ଶୋ ବିଗ ବସ 13ରେ ନୂଆ ଖବର
ସୋସିଆଲ ମିଡିଆରେ ଟ୍ବିଟ କରି ଅଭିନେତା ଗୌତମ ଗୁଲାଟି ଫ୍ୟାନ୍ସଙ୍କୁ ଦେଲେ ସରପ୍ରାଇଜ। ବିଗ ବସ ହାଉସରେ ଏଣ୍ଟ୍ରି କରିବାକୁ ନେଇ କରିଥିଲେ ଟ୍ବିଟ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଗୌତମ ଗୁଲାଟି
ଏହି ଗୁଡନ୍ୟୁଜର ସୂଚନା ସେ ନିଜ ଟ୍ବିଟରରେ ଫ୍ୟାନ୍ସଙ୍କୁ ଦେଇଛିନ୍ତି । ସେ ଫ୍ୟାନ୍ସଙ୍କୁ ଏହା ମଧ୍ୟ କହିଛନ୍ତି ଯେ ଯଦି ସେମାନେ ନିଜ ଫେଭରେଟ ପ୍ରତିଯୋଗୀଙ୍କୁ କୌଣସି ମେସେଜ ଦେବାକୁ ଚାହୁଁଛନ୍ତି ତାହା ତାଙ୍କ ଦ୍ବାରା ଦେଇପାରିବେ। ସେ ଟ୍ବିଟ କରି ଲେଖିଛନ୍ତି, ‘ମୁଁ ବିଗ ବସ ଘରକୁ ଯାଉଛି। କୁହନ୍ତୁ କାହାକୁ କଣ ମେସେଜ ଦେବାର ଅଛି।’
ଅନ୍ୟପଟେ ଫ୍ୟାନ୍ସ ଗୌତମଙ୍କ ଟ୍ବିଟକୁ ରିଟ୍ବିଟ କରି ନିଜ ନିଜ ଫେଭରେଟ ପ୍ରତିଯୋଗୀ ପାଇଁ ମେସେଜ ଦେବା ମଧ୍ୟ ଆରମ୍ଭ କରିଦେଇଛନ୍ତି । ଜଣେ ଫ୍ୟାନ ଅସୀମ ରିୟାଜଙ୍କ ପାଇଁ ମେସେଜ କରି ଲେଖିଛନ୍ତି, ‘ଦୟା କରି ଅସୀମଙ୍କୁ କୁହନ୍ତୁ ଯେ ଏକଲା ଖେଳିବା ପାଇଁ ଏବଂ ଏହା ମଧ୍ୟ କହିବେ କି ସେ ଏସିଆର 24ତମ ସେକ୍ସିଏଷ୍ଟ ମ୍ୟାନ।’