ହାଇଦ୍ରାବାଦ: ଫିଲ୍ମ ଇଣ୍ଡଷ୍ଟ୍ରିରେ କୋରୋନା କହର । ବଲିଉଡ ଠାରୁ ଆରମ୍ଭ କରି ସାଉଥ ଇଣ୍ଡଷ୍ଟ୍ରିର ଅନେକ ଫିଲ୍ମ ଷ୍ଟାର କୋରୋନା ପଜିଟିଭ ଚିହ୍ନଟ ହୋଇଛନ୍ତି । ପ୍ରତିଦିନ ଗୋଟିଏ ପରେ ଗୋଟିଏ ମାମଲା ସାମ୍ନାକୁ ଆସୁଛି । ସାଉଥ୍ ଇଣ୍ଡଷ୍ଟ୍ରିର ଦିଗ୍ଗଜ ଅଭିନେତା ସତ୍ୟରାଜ, ମହେଶ ବାବୁ, ବଲିଉଡ ଅଭିନେତ୍ରୀ ସ୍ବରା ଭାସ୍କର, ଶରଦ ମଲହୋତ୍ରା, ଜନ୍ ଆବ୍ରାହମ୍ ଏବଂ ତାଙ୍କ ପତ୍ନୀ ପ୍ରିୟା ରୁଞ୍ଚାଲଙ୍କ ପରେ ଏବେ ଈଶା ଗୁପ୍ତାଙ୍କ ନାଁ ଯୋଡି ହୋଇଛି ।
ବଲିଉଡ ଅଭିନେତ୍ରୀ ଈଶା ଗୁପ୍ତା କୋରୋନା ସଂକ୍ରମିତ ହୋଇଛନ୍ତି । ଅଭିନେତ୍ରୀ ସୋସିଆଲ ମିଡିଆରେ ଏ ବିଷୟରେ ସୂଚନା ଦେଇଛନ୍ତି । ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରି ସେ ଲେଖିଛନ୍ତି, ସମସ୍ତ ସୁରକ୍ଷା ଅନୁସରଣ କରିବା ସତ୍ତ୍ବେ ମୁଁ କୋରୋନା ସଂକ୍ରମିତ ହୋଇଛି । ମୁଁ କୋରୋନା ନିୟମ ପାଳନ କରୁଛି ଏବଂ ହୋମ୍ କ୍ବାରେଣ୍ଟାଇନରେ ଅଛି ।