ମୁମ୍ବାଇ: ବି-ଟାଉନର ସିରିୟଲ କିସର ଇମରାନ ହାସମୀଙ୍କ ଡେବ୍ୟୁ ମ୍ୟୁଜିକ ଭିଡିଓ ‘ଲୁଟ୍ ଗୟେ’ ନେଇ ଖୁବ୍ ଉତ୍ସାହିତ ଥିବା ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ । କାରଣ ବୁଧବାର ରିଲିଜ ହୋଇଯାଇଛି ଏହି ରୋମାଣ୍ଟିକ ଗୀତ । ଯେଉଁଥିରେ ଇମରାନଙ୍କ ରୋମାଣ୍ଟିକ ଅନ୍ଦାଜ ଦେଖିବାକୁ ମିଳିଛି । ସେହିପରି ତାଙ୍କ ସହ ନଜର ଆସୁଛନ୍ତି ଯୁକ୍ତି ଥରେଜା ।
ଏହି ରୋମାଣ୍ଟିକ ଗୀତର ପ୍ରଯୋଜନା ଟି-ସିରିଜର କରିଥିବା ବେଳେ ଏହାର କମ୍ପୋଜ କରିଛନ୍ତି ତାନିସ୍କ ବାଗଚି। ଆଉ ଏହାର ଲିରିକ୍ସ ଲେଖିଛନ୍ତି ମୋନଜ ମୁନ୍ତାଶିର । ସେହିପରି ଗୀତଟିକୁ ଗାଇଛନ୍ତି ଜୁବିନ ନୌଟିଆଲ।