ମୁମ୍ବାଇ: ବଲିଉଡ ଅଭିନେତ୍ରୀ ଏଲି ଆବ୍ରାହମ ତାଙ୍କ ହଟ ଲୁକ୍ ପାଇଁ ସର୍ବଦା ଚର୍ଚ୍ଚାରେ ରହିଥାନ୍ତି । ଏବେ ଏଲି ବଲିଉଡ ସୁପରଷ୍ଟାର ଆମୀର ଖାନଙ୍କ ସହ ଏକ ସ୍ବତନ୍ତ୍ର ମ୍ୟୁଜିକ୍ ଭିଡିଓ 'ଫିଦାଇ'ରେ ରୋମାନ୍ସ କରୁଥିବାର ନଜର ଆସିବେ ।
ଏଲିଙ୍କ ନୂତନ ମ୍ୟୁଜିକ୍ ଭିଡିଓ 'ଫିଦାଇ' ରେ ଡ୍ୟାନ୍ସର-କୋରିଓଗ୍ରାଫର ସଲମାନ ୟୁସୁଫ ଖାନ ମଧ୍ୟ ଅଛନ୍ତି ।
ଏହି ମ୍ୟୁଜିକ୍ ଭିଡିଓ ବିଷୟରେ ଏଲି କହିଛନ୍ତି, "ଏହା ଅତ୍ୟନ୍ତ କଠିନ ସୁଟିଂ ଥିଲା। ମୁଁ କେବଳ 30 ମିନିଟର ମଧ୍ୟାହ୍ନ ଭୋଜନ ବ୍ରେକ ସହିତ 24 ଘଣ୍ଟା ନନ୍-ଷ୍ଟପ୍ ସୁଟିଂ ପୁରା କରିଥିଲି। ମୁଁ ଏହି କୋରିଓଗ୍ରାଫିକୁ ସଫଳ କରିବା ପାଇଁ ବହୁତ ପରିଶ୍ରମ କରିଛି" ।
'ଫିଦାଇ' ରାହୁଲ ଜୈନ ଗାଇଛନ୍ତି ଏବଂ ଏହି ଭିଡିଓଟି ସୌରଭ ପ୍ରଜାପତିଙ୍କ ଦ୍ବାରା ନିର୍ଦ୍ଦେଶିତ ଏବଂ କୋରିଓଗ୍ରାଫି କରାଯାଇଛି ।
ପ୍ରକାଶ ଥାଉ ଯେ, ଏଲି 'କିସ୍-କିସ୍ କୋ ପ୍ୟାର କରୁ' ଏବଂ 'ହାଉସଫୁଲ୍-3' 'ଭଳି ଅନେକ ଚଳଚ୍ଚିତ୍ରରେ କାମ କରିଛନ୍ତି । ଏବେ ପ୍ରଶଂସକମାନେ ତାଙ୍କର ଆଗାମୀ 'ଫିଦାଇ' ଗୀତକୁ ଉତ୍ସାହର ସହିତ ଅପେକ୍ଷା କରିଛନ୍ତି ।
