ମୁମ୍ବାଇ: ଟ୍ୟାଲେଣ୍ଟଟେଡ ଆକ୍ଟର ଆୟୁଷ୍ମାନ ଖୁରାନାଙ୍କ ଚର୍ଚ୍ଚିତ ଫିଲ୍ମ 'ଆର୍ଟିକଲ 15' ନିକଟରେ ରିଲିଜ ହୋଇଥିଲା । ଜାତିଭେଦ ବାସ୍ତବ କାହାଣୀ ଉପରେ ଆଧାରିତ ଏହି ଫିଲ୍ମ ଦର୍ଶକଙ୍କ ମନ କିଣିବାରେ ସଫଳ ହୋଇପାରିଛି । ଇତିମଧ୍ୟରେ ଅୟୁଷ୍ମାନ ଓ ଅଭିନେତ୍ରୀ ଭୂମି ପେଡନେକରଙ୍କ ଅଭିନୀତ ଫିଲ୍ମ 'ଶୁଭ ମଙ୍ଗଲ ସାବଧାନ'ର ସିକ୍ବେଲ ଫିଲ୍ମ ତିଆରି ହେବାକୁ ପ୍ରସ୍ତୁତ ହୋଇସାରିଲାଣି ।
ଫିଲ୍ମ 'ଶୁଭ ମଙ୍ଗଲ ଜ୍ୟାଦା ସାବଧାନ'ର ସୁଟିଂ ପୂର୍ବରୁ ଏକ ବଡ ଖବର ସାମ୍ନାକୁ ଆସିଛି । ଶୁଣିବାକୁ ମିଳୁଛି ଯେ ଗତ ବର୍ଷ ରିଲିଜ ହୋଇଥିବା ଆୟୁଷ୍ମାନଙ୍କ ବ୍ଲକବଷ୍ଟର ଫିଲ୍ମ 'ବଧାଇ ହୋ'ର ଷ୍ଟାର-କାଷ୍ଟ ଏହି ଫିଲ୍ମରେ ନଜର ଆସିବେ । ଯାହାଦ୍ବାରା ଦର୍ଶକଙ୍କୁ ପୁଣି ଡବଲ ତଡକା ମିଳିବ ।
'ବଧାଇ ହୋ' ଫିଲ୍ମରେ ଆୟୁଷ୍ମାନଙ୍କ ପିତା-ମାତା ଭୂମିକାରେ ଅଭିନୟ କରିଥିବା ବିଶିଷ୍ଟ କଳାକାର ନୀନା ଗୁପ୍ତା ଓ ଗଜରାଜ ରାଓ ଫିଲ୍ମରେ ଏଣ୍ଟ୍ରି କରିସାରିଲେଣି । ଏବେ ଦୁଇ ଜଣ ନିଜ ଜବରଦସ୍ତ ଅଭିନୟ ଜରିଆରେ ଦର୍ଶକଙ୍କ ହୃଦୟ ଜିତିବାକୁ ପ୍ରସ୍ତୁତ ଚଳାଇଛନ୍ତି ।
ପ୍ରକାଶ ଥାଉକି କି ଫିଲ୍ମର ପ୍ରଥମ ଟିଜରରେ ସମଲିଙ୍ଗୀ ପ୍ରେମ କାହାଣୀ ଦେଖିବାକୁ ମିଳିଥିଲା । ଏହି ସମଲିଙ୍ଗୀ ପ୍ରେମ କାହାଣୀକୁ ନେଇ ପରଦାରେ ଦେଖାଦେବେ 'ବଧାଇ ହୋ' ଫେମ ।
ଶୁଭ ମଙ୍ଗଲ ଜ୍ୟାଦା ସାବଧାନର ନିର୍ଦ୍ଦେଶନା ଦାୟିତ୍ବ ତୁଲାଇବେ ହିତେଶ କେଭଲେ । ଅଗଷ୍ଟ ମାସ ଶେଷ ଆଡକୁ ଫିଲ୍ମର ସୁଟିଂ ଆରମ୍ଭ ହେବ । ଏହି ଫିଲ୍ମଟି ଏଥି ନିମନ୍ତେ ମଧ୍ୟ ଖାସ୍ କାରଣ ଆୟୁଷ୍ମାନଙ୍କ ସହ ଅନେକ ହିଟ ଫିଲ୍ମ ଦେଇସାରିଥିବା ଭୂମି ମୁଖ୍ୟ ଭୂମିକାରେ ଦେଖାଯିବେ । ଆସନ୍ତା ବର୍ଷ ମେକର୍ସ ଫିଲ୍ମଟି ରିଲିଜ କରିବେ ବୋଲି ପ୍ଲାନିଂ କରୁଛନ୍ତି ।
