ନୂଆଦିଲ୍ଲୀ : ବୁଧବାର ରାତିରୁ ବଲିଉଡ ଅଭିନେତ୍ରୀ ଦିଶା ପଟାନି ଖୁବ୍ ଚର୍ଚ୍ଚାରେ । କୋଭିଡ ନିୟମ ଭାଙ୍ଗି ଫସିଥିଲେ ବଲିଉଡ ଅଭିନେତା ଓ ଅଭିନେତ୍ରୀ । ମୁମ୍ବାଇରେ ଭୟାନକ ସ୍ଥିତିରେ ରହିଛି କୋରୋନା । ଏହି ସମୟରେ ଅଭିନେତା ଟାଇଗର ଶ୍ରଫ ଓ ଅଭିନେତ୍ରୀ ଦିଶା ପଟାନୀ କୋଭିଡ ନିୟମ ଭାଙ୍ଗିଥିବା ନେଇ ତାଙ୍କ ବିରୋଧରେ ମାମଲା ରୁଜୁ କରିଥିଲା ମୁମ୍ବାଇ ପୋଲିସ ।
ପୋଲିସର ସୂଚନାନୁସାରେ, ଟାଇଗର ଓ ଦିଶା ଦିନ 2ଟା ପରେ ତାଙ୍କ ଘରୁ ବାହାରି ବୁଲୁଥିଲେ । ପୋଲିସ ସେମାନଙ୍କୁ ପଚାରିବାରୁ ସେ କିଛି ଉପଯୁକ୍ତ ଉତ୍ତର ଦେଇପାରିନଥିଲେ । କୋଭିଡ ନିୟମ ଉଲଂଘନ କରିବା ନେଇ ଆଇପିସି ଧାରା 188 ଅଧୀନରେ ଉଭୟଙ୍କ ନାଁରେ ମାମଲା ରୁଜୁ କରିଛି ମୁମ୍ବାଇ ପୋଲିସ । ସେମାନଙ୍କ ନାଁରେ କେବଳ ଚାଲାଣ କାଟି ଛାଡି ଦେଇଥିବା କହିଛି ପୋଲିସ ।