ମୁମ୍ବାଇ: ଅଭିନେତ୍ରୀ ଦିଶା ପଟାନୀ ଓ ରାଶି ଖନ୍ନା ସିଦ୍ଧାର୍ଥଙ୍କ ଅଭିନୀତ 'Yodha'ରେ ଆସିବେ ନଜର । ଏ ସମ୍ପର୍କରେ ଫିଲ୍ମର ନିର୍ମାତା ଶନିବାର ସୂଚନା ଦେଇଛନ୍ତି । ଏହି ଫିଲ୍ମଟି କରନଙ୍କ ଧର୍ମା ପ୍ରଡକ୍ସନ ଦ୍ବାରା ପ୍ରଯୋଜିତ ହେଉଥିବା ବେଳେ ଏଥିରେ ନିର୍ଦ୍ଦେଶନାରେ ଡେବ୍ୟୁ କରିବେ ପୁଷ୍କର ଓଝା ଓ ସାଗର ଆମ୍ବ୍ରେ ।
ଫିଲ୍ମର ଅଭିନେତ୍ରୀଙ୍କ ସମ୍ପର୍କରେ ଧର୍ମା ପ୍ରଡକ୍ସନ ଦ୍ବାରା ସୋସିଆଲ ମିଡ଼ିଆରେ ସୂଚନା ଦିଆଯାଇଛି । ଏହି ଫିଲ୍ମ ମାଧ୍ୟମରେ ଦିଶା ଓ ରାଶି କରନଙ୍କ ଧର୍ମା ପ୍ରଡକ୍ସନ ସହିତ ପ୍ରଥମ କରି ମିଳିତ ଭାବେ କାମ କରିବାକୁ ଯାଉଛନ୍ତି । ପୂର୍ବରୁ ସିଦ୍ଧାର୍ଥ ଧର୍ମା ପ୍ରଡକ୍ସନ ସହିତ ଅନେକ ଫିଲ୍ମରେ କାମ କରିଛନ୍ତି । ସିଦ୍ଧାର୍ଥ ଡେବ୍ୟୁ ଫିଲ୍ମ Student of the Year ସହିତ 'Hasee Toh Phasee', 'Kapoor & Sons' ଓ "Shershaah" ଆଦି ଲୋକପ୍ରିୟ ଫିଲ୍ମରେ ଧର୍ମା ପ୍ରଡକ୍ସନ ସହିତ କାମ କରିଛନ୍ତି ।