ମୁମ୍ବାଇ: ସଲମାନ ଖାନ, ଚୁଲବୁଲ ପାଣ୍ଡେ ଭୂମିକାରେ ଦର୍ଶକଙ୍କୁ ଏଣ୍ଟରଟେନ କରିବାକୁ ପ୍ରସ୍ତୁତି ଚଳାଇଛନ୍ତି ନିଜର ଆଗାମୀ ଫିଲ୍ମ 'ଦବଙ୍ଗ 3' ଜରିଆରେ । 'ଦବଙ୍ଗ' ସିରିଜର ପୂର୍ବ ଦୁଇଟି ଫିଲ୍ମ ବକ୍ସ ଅଫିସରେ ଶାନଦାର କଲେକ୍ସନ କରିବା ସହ ଦର୍ଶକଙ୍କ ମନ କିଣିବାରେ ସଫଳ ହୋଇଥିଲା । ଯେବେ ଠାରୁ ଏହି ସିରିଜର ତୃତୀୟ ଫିଲ୍ମ 'ଦବଙ୍ଗ 3'ର ଘୋଷଣା ହୋଇଛି ଫ୍ୟାନ୍ସଙ୍କ ଏକ୍ସାଇଟମେଣ୍ଟ ବଢିଯାଇଛି । ସୋନାକ୍ଷୀ ସିହ୍ନା ଓ ଚୁଲବୁଲ ପାଣ୍ଡେଙ୍କ କ୍ୟୁଟ କେମେଷ୍ଟ୍ରି ଦେଖିବାକୁ ବ୍ୟାକୁଳ ଥିବା ଫ୍ୟାନ୍ସଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି ।
ଫିଲ୍ମଟି ପୂର୍ବରୁ ହିଁ ନିଜ ଆଇଟମ 'ମୁନ୍ନା ବଦନାମ ହୁଆ' ଘୋଷଣା କରି ଚର୍ଚ୍ଚାରେ । ଏବେ ଏହି ଗୀତରେ ଡବଲ ତଡକା ଦେଖିବାକୁ ପାଇବେ ଦର୍ଶକ । ଆଜ୍ଞା ହଁ, ସଲମାନ ଓ ଲଭରାତ୍ରୀ ଅଭିନେତ୍ରୀ ୱାରିନା ହୁସୈନଙ୍କ ଏହି ଆଇଟମ ଗୀତରେ ନଜର ଆସିବେ ଫିଲ୍ମ ନିର୍ଦ୍ଦେଶକ ପ୍ରଭୁଦେବା । ସବୁଠାରୁ ମଜାଦାର କଥା ହେଲା କି ଏଥର ମୁନ୍ନି ନୁହେଁ ମୁନ୍ନା ବଦନାମ ହେବ ।