ମୁମ୍ବାଇ: ବୁଧବାର ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କୁ ବମ୍ବେ ହାଇକୋର୍ଟ ତରଫରୁ ଜାମିନ ମିଳିଯାଇଛି । ତାଙ୍କୁ ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମାମଲାରେ ସମ୍ପୃକ୍ତ ଥିବା ଡ୍ରଗ୍ସ କେସରେ ଏନସିବି ଗତ ମାସ 8 ତାରିଖରେ ଗିରଫ କରିଥିଲା । ତାଙ୍କୁ ଜାମିନ ମିଳିବା ଉପରେ ବର୍ତ୍ତମାନ କିଛି ସେଲିବ୍ରିଟିଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ହେଲେ ଆଉ କିଛି ଏହି ଖବର ଶୁଣି ଅସନ୍ତୋଷ ପ୍ରକାଶ କରିଛନ୍ତି ।
କଥାଟି ହେଲା ଯେ ରିଆଙ୍କ ଗିରଫ ପରେ ବଲିଉଡ ଦୁଇ ଭାଗରେ ବାଣ୍ଟି ହୋଇଥିଲା । ଗୋଟିଏ ପଟେ ତାଙ୍କୁ କିଛି ସେଲିବ୍ରିଟି ସମର୍ଥନ କରୁଥିବା ବେଳେ ଆଉ କିଛି ତାଙ୍କ ବିରୋଧରେ ନଜର ଆସିଥିଲେ।
ହେଲେ ଏବେ ତାଙ୍କୁ ଜାମିନ ମିଳିବା ପରେ ସମର୍ଥନ କରୁଥିବା ସେଲିବ୍ରିଟି ସୋସିଆଲ ମିଡିଆରେ ନିଜ ନିଜ ଖୁସି ପ୍ରକାଶ କରିଛନ୍ତି । ଏହି କ୍ରମରେ ସାମିଲ ଅଛନ୍ତି ନିର୍ମାତା-ନିର୍ଦ୍ଦେଶକ ଅନୁଭବ ସିହ୍ନା, ଅଭିନେତ୍ରୀ ସୋନି ରାଜଦାନ, ତାପସୀ ପନ୍ନୁ, କନିକା ଢିଲ୍ଲନ ଓ ସ୍ବରା ଭାସ୍କର ଭଳି ସେଲିବ୍ରିଟି ।
ଅନୁଭବ ଟ୍ବିଟ କରି ଲେଖିଛନ୍ତି, ‘ପରିଶେଷରେ ତାଙ୍କୁ ଜାମିନ ମିଳିବା ।’ ସେହିପରି ତାପସୀ ଲେଖିଛନ୍ତି,‘ ଆଶା କରୁଛି ଯେ ଜେଲରେ ତାଙ୍କ ସମୟ ବହୁତ ଲୋକଙ୍କ ଅହଙ୍କାରର ଶିକାର ହୋଇଛି । ସୁଶାନ୍ତଙ୍କ ନ୍ୟାୟ ନାମରେ ଅନେକ ବ୍ୟକ୍ତିଗତ ଏଜେଣ୍ଡା ପୁରା କରାଯାଇଛି । ପ୍ରାର୍ଥନା କରୁଛି ରିଆ ଆଗାମୀ ଜୀବନ ଉପରେ ଅସନ୍ତୋଷ ନହେବାକୁ । ତାଙ୍କ ଜୀବନ ଏଯାବତ ଶେଷ ହୋଇନାହିଁ ।’ ଏହିପରି ସମସ୍ତେ ନିଜ ମନ କଥା ଟ୍ବିଟରରେ ସେୟାର କରିଛନ୍ତି ।