ଫୁଲ ଗଛ ଦେଖି କବିତା ଲେଖିଲେ ହିମ୍ୟାନ

ସୋସିଆଲ ମିଡିଆରେ ପୁଣି ଭାଇରାଲ ହେଲା ଧର୍ମେନ୍ଦ୍ରଙ୍କ ଫାର୍ମ ହାଉସ ଭିଡିଓ । ଏଥର ସେ ବିଭିନ୍ନ ରଙ୍ଗର ଫୁଲ ଫ୍ୟାନ୍ସଙ୍କୁ ଦେଖାଇଛନ୍ତି । ଅଧିକ ପଢ଼ନ୍ତୁ...

ମୁମ୍ବାଇ: ବି-ଟାଉନର ହିମ୍ୟାନ ଧର୍ମେନ୍ଦ୍ର ଲକଡାଉନର ଚତୁର୍ଥ ପର୍ଯ୍ୟାୟରେ ନିଜ ଫାର୍ମ ହାଉସରେ ସମୟ ବିତାଉଛନ୍ତି । ଫିଲ୍ମ ଜଗତରୁ ଦୀର୍ଘ ସମୟରୁ ଦୂରେଇ ରହିଥିବା ଧର୍ମେନ୍ଦ୍ର ସୋସିଆଲ ମିଡିଆ ଜରିଆରେ ପ୍ରଶଂସକଙ୍କ ସହ ସବୁବେଳେ ସମ୍ପୃକ୍ତ ରହୁଛନ୍ତି । ଏହି ଲକଡାଉନରେ ସେ ନିଜ ଫାର୍ମ ହାଉସରେ ଚାଷ କରୁଥିବା ପନିପରିବା, ଫଳ ସବୁ ଫ୍ୟାନ୍ସଙ୍କୁ ମଧ୍ୟ ଦେଖାଉଛନ୍ତି । କେବେ ଭିଡିଓ ସେୟାର କରି ତ କେବେ ଫଟୋ ପୋଷ୍ଟ କରି । ଏଥର ଏକ ମଜାଦାର ପୋଷ୍ଟ କରି ସେ ଚର୍ଚ୍ଚାରେ ।

ଟ୍ବିଟରରେ ଧର୍ମେନ୍ଦ୍ର ସେୟାର କରିଥିବା ଭିଡିଓରେ ସେ ସମସ୍ତଙ୍କୁ ଦେଖାଉଛନ୍ତି ଯେ ଗୋଟିଏ ଫୁଲ ଗଛରେ ଭିନ୍ନ ଭିନ୍ନ ରଙ୍ଗରେ ଫୁଲ ଫୁଟିଛି । ଯାହାକୁ ନେଇ ତାଙ୍କ ଖୁସି କହିଲେ ନ ସରେ । ଖାଲି ଏତିକି ନୁହେଁ ଭିଡିଓଟିକୁ ସେୟାର କରି ସେ ଏକ ଶାନଦାର କବିତା ମଧ୍ୟ ଲେଖନ୍ତି । ଦେଖନ୍ତୁ ଭିଡିଓ...