ମୁମ୍ବାଇ: ଦୀର୍ଘ ସମୟରୁ ଫିଲ୍ମ ଦୁନିଆଠୁ ଦୂରେଇ ଅଛନ୍ତି ବି-ଟାଉନର ହିମ୍ୟାନ ଧର୍ମେନ୍ଦ୍ର । ହେଲେ ସେ ଫ୍ୟାନ୍ସଙ୍କ ସହ କନେକ୍ଟ ରହିବା ପାଇଁ ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଛନ୍ତି । ଯେଉଁଥିରେ ନିଜର ପୁରୁଣା ଫଟୋ, ଫାର୍ମହାଉସର ଭିଡିଓ, ଇତ୍ୟାଦି ସେୟାର କରୁଥିବାର ନଜର ଆସୁଛନ୍ତି । ସେହିପରି ଏଥର ସେ ନିଜର 30 ବର୍ଷ ପୁରୁଣା ସ୍ମୃତିକୁ ସତେଜ କରିଛନ୍ତି ।
ସେ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି ଚର୍ଚ୍ଚାରେ । ଯାହା 30 ବର୍ଷ ପୁରୁଣା ଫିଲ୍ମ ‘ଘାୟଲ’ ସମୟର । ଏହି ଫିଲ୍ମରେ ତାଙ୍କ ଲାଡଲା ତଥା ଅଭିନେତା ସନ୍ନି ଦେଓଲ, ମୀନାକ୍ଷୀ ଶେଷାଦ୍ରୀ, ରାଜ ବବ୍ବର ଓ ଅମରିଶ ପୁରୀ ଭଳି ଫେମସ କଳାକାର ଅଭିନୟ କରିଥିଲେ । ଫିଲ୍ମର ନିର୍ଦ୍ଦେଶନା ଦାୟିତ୍ବ ରାଜକୁମାର ସନ୍ତୋଷୀ କରିଥିବା ବେଳେ ଏହାର ପ୍ରଯୋଜନା କରିଥିଲେ ନିଜେ ଧର୍ମେନ୍ଦ୍ର ।