ଜୁହୁରେ ଫ୍ଲାଟ କିଣିଲେ ଜାହ୍ନବୀ

ଫିଲ୍ମ ନୁହେଁ ଏଥର ଘର କିଣିବାକୁ ନେଇ ଚର୍ଚ୍ଚାରେ ଜାହ୍ନବୀ କପୁର । ସେ ନିକଟରେ ଜୁହୁରେ କିଣିଛନ୍ତି ନିଜ ପାଇଁ ଏକ ମହଙ୍ଗା ଫ୍ଲାଟ୍ । ଅଧିକ ପଢନ୍ତୁ...

ମୁମ୍ବାଇ: ‘ଧଡକ’ ଫେମ ଜାହ୍ନବୀ କପୁରଙ୍କୁ ନେଇ ନୂଆ ଚର୍ଚ୍ଚା । ଶୁଣିବାକୁ ମିଳୁଛି ଯେ ନିଜ ପାଇଁ ନୂଆ ଘର କିଣିଛନ୍ତି ଅଭିନେତ୍ରୀ । ମୁମ୍ବାଇର ଜୁହୁରେ ଥିବା ବିଳାସପୂର୍ଣ୍ଣ ବିଲ୍ଡିଂରେ ତିନି ମହଲା ବିଶିଷ୍ଟ ଫ୍ଲାଟ ନେଇଛନ୍ତି ସେ । ଘରର ମୂଲ୍ୟ ପାଖାପାଖି 39 କୋଟି ଟଙ୍କା । ଯାହା ପାଇଁ ଗତ ବର୍ଷ ଡିସେମ୍ବର 7 ରେ ଜାହ୍ନବୀ ସମସ୍ତ ନିୟମ ପୂରଣ କରିଥିଲେ । ଏହାପୂର୍ବରୁ ସେ ପିତା ତଥା ନିର୍ମାତା ବୋନି କପୁର ଓ ଭଉଣୀ ଖୁସି କପୁରଙ୍କ ସହ ଲୋଖଣ୍ଡେୱାଲାରେ ରହୁଥିଲେ ।

ରିପୋର୍ଟ ଅନୁଯାୟୀ ଜାହ୍ନବୀଙ୍କ ନୂଆ ଘର ହେଉଛି 3456 ବର୍ଗଫୁଟ ଯାହା ପାଇଁ 78 ଲକ୍ଷ ଷ୍ଟାମ୍ପ ଡ୍ୟୁଟି ପ୍ରଦାନ କରାଯାଇଥିଲା ।

ଜାହ୍ନବୀଙ୍କୁ ଶେଷଥର ପାଇଁ ‘କାରଗିଲ ଗାର୍ଲ-ଗୁଞ୍ଜନ ସକ୍ସେନା’ ଫିଲ୍ମରେ ଦେଖିବାକୁ ମିଳିଥିଲା । ଆଉ ଖୁବଶୀଘ୍ର ‘ଦୋସ୍ତାନା 2’ ଏବଂ ‘ରୁହ ଆଫଜାନ’ ଭଳି ଫିଲ୍ମ ନେଇ ଫେରିବେ । ପ୍ରକାଶ ଥାଉକି ନିକଟରେ ନ୍ୟୁ ଇଅର ସେଲିବ୍ରେଶନ କରିବାକୁ କ୍ୟୁଟ ଆକ୍ଟର କାର୍ତ୍ତିକ ଆର୍ୟନଙ୍କ ସହ ଗୋଆ ଯାଇଥିଲେ । ଆଉ ସାଥିରେ ଥିଲେ ଭଉଣୀ ଖୁସି ।