ରୋହିତ-ଫରାହଙ୍କ ଫିଲ୍ମରୁ ଦୀପିକା ବିଦା!

ରୋହିତ ଓ ଫରାହ ଏକାଠି କାମ କରିବାକୁ ଯାଉଛନ୍ତି । ‘ସତେ ପେ ସତା’ର ରିମେକରେ ଦୀପିକାଙ୍କୁ କାଷ୍ଟ କରିବାର ଥିଲା ମାତ୍ର ଫିଲ୍ମରୁ ବାହାରି ଯାଇଛନ୍ତି ଦୀପିକା ।

ହାଇଦ୍ରାବାଦ: ପ୍ରଥମ ଥର ଏକାଠି କାମ କରିବାକୁ ଯାଉଛନ୍ତି ନିର୍ଦ୍ଦେଶକ ରୋହିତ ସେଟ୍ଟୀ ଓ ଫରାହ ଖାନ । ତେବେ ଏ ଫିଲ୍ମ ବିଷୟରେ ଅଧିକ ଜଣାପଡିନଥିବାବେଳେ ଶୁଣାଯାଉଥିଲା କି ‘ସତେ ପେ ସତା’ର ରିମେକ କରାଯିବ ଓ ମୁଖ୍ୟ ଭୂମିକାରେ ଶାହାରୁଖ ଓ ଦୀପିକାଙ୍କୁ ଦେଖିବାକୁ ମିଳିବ । ମାତ୍ର ଏବେ ଖବର ଆସୁଛି ଏବେ ଦୀପିକା ପାଦୁକୋନଙ୍କୁ ଫିଲ୍ମରୁ ବାହାର କରିଦିଆଯାଇଛି ।

ତେବେ ରିପୋର୍ଟ ମୁତାବକ, ଦୀପିକା ନିଜେ ଫିଲ୍ମ ଛାଡିଛନ୍ତି । ଦୀପିକା ଫିଲ୍ମକୁ ମନା କରିବା ପରେ କ୍ୟାଟ୍ରିନା କୈଫଙ୍କୁ ଫିଲ୍ମରେ କାଷ୍ଟ କରିବା ପାଇଁ ମନ ବଳେଇଛନ୍ତି ଫିଲ୍ମର ନିର୍ମାତା । ବର୍ତ୍ତମାନ କ୍ୟାଟ୍ରିନା ରୋହିତ ସେଟ୍ଟୀଙ୍କ ଫିଲ୍ମ ‘ସୂର୍ଯ୍ୟବଂଶୀ’ର ସୁଟିଂରେ ବ୍ୟସ୍ତ ଅଛନ୍ତି । ଏଥିରେ କ୍ୟାଟ୍ରିନାଙ୍କ ସହ ଅକ୍ଷୟ କୁମାର ନଜର ଆସିବେ ।

କ୍ୟାଟ୍ରିନାଙ୍କୁ ଫିଲ୍ମରେ କାଷ୍ଟ କରାଯିବ କି ନାହିଁ ଏ ନେଇ କୌଣସି ଘୋଷଣା କରାଯାଇନାହିଁ । ତେବେ ଦୀପିକା ନିକଟରେ ଫିଲ୍ମ ‘ଛପାକ’ର ସୁଟିଂ ସାରିଛନ୍ତି ।