ପୁଣି ‘ମୋଷ୍ଟ ପପୁଲାର ଷ୍ଟାର ଇଣ୍ଡିଆ ଲଭ୍ସ’ ତାଲିକାର ଶୀର୍ଷରେ ଦୀପିକା

ବଲିଉଡର ମସ୍ତାନୀ ଦୀପିକା ପାଦୁକୋନ୍ ୨୦୨୦ର ସବୁଠୁ ଲୋକପ୍ରିୟ ଫିମେଲ ଷ୍ଟାର ସୂଚୀରେ ପୁଣିଥରେ ଟପ୍ ରେ ଅଛନ୍ତି । ଅଧିକ ପଢନ୍ତୁ...

ମୁମ୍ବାଇ: ବଲିଉଡର ମସ୍ତାନୀ ଦୀପିକା ପାଦୁକୋନ୍ ୨୦୨୦ର ସବୁଠୁ ଲୋକପ୍ରିୟ ଫିମେଲ ଷ୍ଟାର ସୂଚୀରେ ପୁଣିଥରେ ଟପ୍ ରେ ଅଛନ୍ତି । ଏହା ପ୍ରଥମ ଥର ପାଇଁ ନୁହେଁ ଯେ, ଅଭିନେତ୍ରୀ ବିଶ୍ବର ଲୋକପ୍ରିୟତା ଆଧାରରେ ଶୀର୍ଷ ସ୍ଥାନ ପ୍ରାପ୍ତ କରିଛନ୍ତି ।

ଦୀପିକା ଜଣେ ଅଭିନେତ୍ରୀ ରୂପରେ ନିଜର ଅଭିନୟକୁ ପ୍ରମାଣିତ କରିଛନ୍ତି । ସେ ତାଙ୍କର ଫିଲ୍ମରେ ସର୍ବଦା ନିଜର ଚମତ୍କାର ଅଭିନୟ ପ୍ରଦର୍ଶନ କରି ଫ୍ୟାନ୍ସଙ୍କ ମନ ଜିଣିଛନ୍ତି ।

ଗତ ୧୩ ବର୍ଷ ମଧ୍ୟରେ ଦୀପିକା ଦର୍ଶକଙ୍କ ସହ ଯେଉଁଭଳି ଭାବରେ ନିଜର ସଂପର୍କ ଗଢ଼ିଛନ୍ତି ତାହା ଅତ୍ୟନ୍ତ ପ୍ରଶଂସନୀୟ । ଏକ ବିଶ୍ଵସ୍ତରୀୟ ତାରକା ଭାବରେ ପରିଚୟ ସୃଷ୍ଟି କରିବା ସହ, ସେ ଦେଶରେ ମଧ୍ୟ ଘରେ ଘରେ ପରିଚିତ ।

ପ୍ରକାଶ ଥାଉ ଯେ, ୨୦୨୦ରେ ଦୀପିକା ଅନେକ ବଡ ପ୍ରୋଜେକ୍ଟର ଘୋଷଣା କରିଛନ୍ତି । ନିକଟରେ ଅଭିନେତ୍ରୀ ହ୍ରିତିକ ରୋଶନଙ୍କ ସହିତ ନିଜର ଆଗାମୀ ଆକ୍ସନ୍ ଫିଲ୍ମ ‘ଫାଇଟର’ର ଘୋଷଣା ମଧ୍ୟ କରିଛନ୍ତି ।