ମୁମ୍ବାଇ: ଶେଷରେ ସୁଟିଂକୁ ଫେରିଛନ୍ତି ଅଭିନେତ୍ରୀ ଦୀପିକା ପାଦୁକୋନ। ଗତବର୍ଷ ଫିଲ୍ମ 'ପଦ୍ମାବତ'ଜରିଆରେ ବକ୍ସଅଫିସରେ ଧମାଲ କରିଥିବା ଦୀପିକା ମେଘନା ଗୁଲଜାରଙ୍କ ଫିଲ୍ମ 'ଛପାକ'ର ସୁଟିଂ ଆଜି ଆରମ୍ଭ କରିଥିବାବେଳେ ସୋସିଆଲ ମିଡିଆରେ ସେୟାର କରିଛନ୍ତି ଫିଲ୍ମର ଫାଷ୍ଟ ଲୁକ।
'ଛପାକ' ଲୁକରେ ଦୀପିକା - chhapak
ଦୀର୍ଘଦିନର ବ୍ୟବଧାନପରେ ଫିଲ୍ମ ସୁଟିଂ ଜଗତକୁ ଫେରିଛନ୍ତି ଅଭିନେତ୍ରୀ ଦୀପିକା ପାଦୁକୋନ। ଏସିଡ ଆଟାକକୁ ନେଇ ମେଘନା ଗୁଲଜାରଙ୍କ ନିର୍ଦ୍ଦେଶିତ ଫିଲ୍ମ 'ଛପାକ'ର ମୁଖ୍ୟ ଭୂମିକାରେ ନଜର ଆସୁଛନ୍ତି ଦୀପିକା। ଫିଲ୍ମର ସୁଟିଂ ଆଜି ଆରମ୍ଭ ହୋଇଥିବାବେଳେ ସୋସିଆଲ ମିଡିଆରେ ଦୀପିକା ସେୟାର କରିଛନ୍ତି ଫିଲ୍ମର ଫାଷ୍ଟ ଲୁକ ଓ ରିଲିଜ ଡେଟ।
ଡିଜାଇନ ଫଟୋ
ତେବେ ଫିଲ୍ମ 'ଛପାକ' ଏକ ମହିଳା କୈନ୍ଦ୍ରିକ ଓ ଏସିଡ ପିଡୀତା ଲକ୍ଷ୍ମୀ ଅଗ୍ରୱାଲଙ୍କ କାହାଣୀକୁ ନେଇ ଆଧାରିତ। ଫିଲ୍ମର ନିର୍ଦ୍ଦେଶନା ଦେଇଛନ୍ତି ମେଘନା ଗୁଲଜାର। ତେବେ ସାମନାକୁ ଆସିଥିବା ଫାଷ୍ଟ ଲୁକରେ ଦୀପିକା ସମ୍ପୂର୍ଣ୍ଣ ଲକ୍ଷ୍ମୀଙ୍କ ପରି ନଜର ଆସିଛନ୍ତି। ଫଟୋଟି ଦେଖି ଲାଗୁଛି ଯେ ଲକ୍ଷ୍ମୀ ନିଜ ଜୀବନର ସମସ୍ତ ଦୁଃଖ କଷ୍ଟ ହସିହସି ସାମନା କରିଛନ୍ତି।
ପ୍ରକାଶ ଥାଉକି, ଦୀପିକାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ଭିକ୍ରାନ୍ତ ମୌସୀ। ଫିଲ୍ମର ଫାଷ୍ଟ ଲୁକ ସହ ରିଲିଜ ଡେଟ ବି ଘୋଷଣା କରିଛନ୍ତି ଦୀପିକା। ଫାଷ୍ଟ ଲୁକ ସେୟାର କରି ଦୀପିକା ଶୀର୍ଷକରେ ଲେଖିଛନ୍ତି, ଗୋଟିଏ ଭୂମିକା ଯାହା ମୋ ସହ ସର୍ବଦା ରହିବ 'ମାଲତୀ'। ଛପାକ ସୁଟିଂ ଆଜି ଆରମ୍ଭ ହେଲା। 2020 ଜାନୁୟାରୀ 10ରେ ରିଲିଜ।'