ମୁମ୍ବାଇ: ଲକଡାଉନରେ ବଲିଉଡର ସମସ୍ତ ସେଲିବ୍ରିଟିମାନେ ସୋସିଆଲ ମିଡିଆରେ ବହୁତ ସକ୍ରିୟ ଅଛନ୍ତି । ଏହା ମାଧ୍ୟମରେ, ସେଲିବ୍ରିଟିମାନେ ତାଙ୍କ ପ୍ରଶଂସକଙ୍କ ସହିତ ଜଡିତ ରହୁଛନ୍ତି ।
ଏହି ସମୟରେ ବଲିଉଡ ଅଭିନେତ୍ରୀ ଦୀପିକା ପାଦୁକୋନ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କ ଫୋନର ଏକ ସ୍କ୍ରିନସଟ ସେୟାର କରିଛନ୍ତି । ଯାହା ଖୁବ ଶୀଘ୍ର ଭାଇରାଲ ହେଉଛି । ସ୍କ୍ରିନସଟ ସହିତ କ୍ୟାପସନରେ ଦୀପିକା ଲେଖିଛନ୍ତି, 'ଅର କୁଛ ଇସତରହା ସେ ହମ୍ ଚିଜୋକୋ ଆଗେ ବଢାତେ ହେ' ।
ପରିବାର ଗ୍ରୁପର ସ୍କ୍ରିନସଟ ସେୟାର କରି ଦୀପିକା କହିଛନ୍ତି, ଯେତେବେଳେ ପରିବାରରେ କାହାର ଜନ୍ମଦିନ ଆସିଥାଏ, ସେତେବେଳେ ଆମେ ସବୁ ଏହିପରି ଭାବେ ପାଳନ କରିଥାଉ । ବେଳେବେଳେ ଯେତେବେଳେ ପରିବାରରେ କୌଣସି ସଦସ୍ୟ କିଛି ଭୁଲ କରିଥାଏ, ଏହି ସମୟରେ ପରିବାରର ଅନ୍ୟ ସଦସ୍ୟଙ୍କ ଠାରୁ ଆମେ ସଠିକ ମତାମତ ମଧ୍ୟ ପାଇଥାଉ । ଏହା ଆମ ପାଇଁ ସବୁଠାରୁ ମୂଲ୍ୟବାନ ଅଟେ ।
ଏହି ସ୍କ୍ରିନସଟ ପୋଷ୍ଟରୁ ଆଉ ଏକ ଖୁଲାସା ହୋଇଛି । ଏଥିରୁ ଜଣାପଡିଛି, ଦୀପିକାଙ୍କ ଫୋନରେ ରଣବୀର ସିଂଙ୍କ ନମ୍ବର 'ହ୍ୟାଣ୍ଡସମ' ନାମରେ ସେଭ୍ ହୋଇଛି ।