ମୁମ୍ବାଇ: ଦୀପିକା ପାଦୁକୋନ ଏମାସ 7 ତାରିଖରେ ଜେଏନୟୁ ଛାତ୍ରଛାତ୍ରୀଙ୍କ ବିରୋଧ ପ୍ରଦର୍ଶନରେ ଯୋଗ ଦେବାକୁ ପହଞ୍ଚିଥିଲେ । ଯାହାପରେ ତାଙ୍କର ଖୁବ୍ ସମଲୋଚନା କରିଥିଲେ କିଛି ଜନସାଧାରଣ । ତାଙ୍କ ଏପରି ବ୍ୟବହାରକୁ ଆଧାର କରି ଅନେକ ଲୋକ ତାଙ୍କ ଫିଲ୍ମ ‘ଛପାକ’ ରିଲିଜ ପୂର୍ବରୁ ସୋସିଆଲ ମିଡିଆରେ ରିଲିଜକୁ ବ୍ୟାନ କରିବାକୁ ଦାବି କରିଥିଲେ । ହେଲେ ପରିଶେଷରେ ‘ଛପାକ’ ଏମାସ 10 ତାରିଖରେ ବକ୍ସ ଅଫିସରେ ରିଲିଜ କରାଯାଇଥିଲା ।
ସୋସିଆଲ ମିଡିଆରେ ‘ଛପାକର ବିରୋଧ କରିବା ପରେ କିଛି ଲୋକ ରିଭ୍ୟୁ ଏଗ୍ରିଗେଟର ୱେବସାଇଟ ଆଇଏମଡିବି ବିରୋଧରେ ଭୋଟ କରିଛନ୍ତି । ଯାହାପାଇଁ ଫିଲ୍ମକୁ ଆଭରେଜ ରେଟିଂ 4.6 ମିଳିଛି । ଏବେ ଏହି ମାମଲାରେ ଦୀପିକାଙ୍କ ବୟାନ ସାମ୍ନାକୁ ଆସିଛି । ଯାହା ତାଙ୍କ ଫ୍ୟାନକ୍ଲବ ଟ୍ବିଟରରେ ସେୟାର କରାଯାଇଛି ।
ବର୍ତ୍ତମାନ ଭାଇରାଲ ହେଉଥିବା ଭିଡିଓରେ ଦୀପିକା ଏହା କହୁଥିବାର ନଜର ଆସୁଛନ୍ତି ଯେ ସେମାନେ ତାଙ୍କର ଆଇଏମଡିବି ରେଟିଂ ପରିବର୍ତ୍ତନ କରିଛନ୍ତି ହେଲେ ତାଙ୍କ ମନ ନୁହେଁ । ତାଙ୍କ ଏହି ବୟାନ ଉପରେ ଅନେକ ୟୁଜର୍ସଙ୍କ ପ୍ରତିକ୍ରିୟା ଏବେ ଦେଖିବାକୁ ମିଳୁଛି ।