ମୁମ୍ବାଇ: ନିଜ ଦମଦାର ଅଭିନୟ ବଳରେ ବଲିଉଡରେ ନିଜର ସ୍ବତନ୍ତ୍ର ସ୍ଥାନ କରିବାରେ ଆଜି ସଫଳ ବି-ଟାଉନର ପଦ୍ମାବତୀ ଦୀପିକା ପାଦୁକୋନ । ନିକଟରେ ତାଙ୍କ ଫିଲ୍ମ ‘ଛପାକ’ ବକ୍ସ ଅଫିସରେ ରିଲିଜ ହୋଇଥିଲା । ଦୀର୍ଘ ସମୟରୁ ଚର୍ଚ୍ଚାରେ ରହିଥିବା ଏହି ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିଥିଲା । ଇତିମଧ୍ୟରେ ତାଙ୍କୁ ନେଇ ଏକ ଗୁଡନ୍ୟୁଜ ସାମ୍ନାକୁ ଆସିଛି । ଯାହାଶୁଣି ଖୁସି ହୋଇଯିବେ ତାଙ୍କ ଫ୍ୟାନ୍ସ । ଆଜ୍ଞା ହଁ, ଦୀପିକାଙ୍କ ନାମରେ ଆଉ ଏକ ଉପଲବ୍ଧି ସମ୍ପୃକ୍ତ ହୋଇଛି । ଡାଭୋସରେ କ୍ରିଷ୍ଟଲ ଆୱାର୍ଡରେ ସମ୍ମାନିତ ହୋଇଛନ୍ତି ସେ । ଆୱାର୍ଡ ପାଇବା ପରେ ଶାନଦାର ଭାଷଣ ଦେଇ ସମସ୍ତଙ୍କ ମନ କିଣିଥିଲେ ଦୀପିକା।
ଦୀପିକାଙ୍କ ନାମରେ ଆଉ ଏକ ଉପଲବ୍ଧି, ମିଳିଲା କ୍ରିଷ୍ଟାଲ ଆୱାର୍ଡ
ମେଣ୍ଟଲ ହେଲଥ୍ ସମସ୍ୟାରେ ସଚେତନା ଆଣିବା ପାଇଁ ଦୀପିକା ପାଦୁକୋନଙ୍କୁ ମିଳିଲା କ୍ରିଷ୍ଟାଲ ଆୱାର୍ଡ । ଇନଷ୍ଟାଗ୍ରାମରେ ଫଟୋ ସେୟାର କରି ଜଣାଇଲେ ଖୁସି ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଦୀପିକା ପାଦୁକୋନ
ପ୍ରକାଶ ଥାଉକି, ଏହି ପୁରସ୍କାର ସଂସ୍କୃତିକୁ ଆଗାକୁ ନେଉଥିବା ଲୋକ ଓ ନେତାଙ୍କୁ ମିଳିଥାଏ । ଯିଏ ନିଜ ଯୋଗଦାନରେ ବିଶ୍ବକୁ ଶାନଦାର କରୁଛନ୍ତି । ଆଉ ବାରମ୍ବାର ପରିବର୍ତ୍ତନ ଆଣୁଛନ୍ତି । ଦୀପିକାଙ୍କୁ ଏହି ଆୱାର୍ଡ ମେଣ୍ଟଲ ହେଲଥ ସମସ୍ୟାରେ ସଚେତନା ଆଣିବା ଓ ଏହା ଉପରେ ନେତୃତ୍ବ ନେବା ପାଇଁ ଦିଆଯାଇଛି ।
ଦୀପିକାଙ୍କ ଆୱାର୍ଡ ଗ୍ରହଣ କରିବା ଭିଡିଓ ତାଙ୍କ ଫ୍ୟାନପେଜ ଇନଷ୍ଟାଗ୍ରାମରେ ସେୟାର କରାଯାାଇଛି । ସେପଟେ ଦୀପିକା ମଧ୍ୟ ଆୱାର୍ଡ ସହ ନିଜର ଏକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ବର୍ତ୍ତମାନ ଭାଇରାଲ ହେଉଥିବା ଫଟୋରେ ଦୀପିକା ପର୍ପଲ କଲର ଡ୍ରେସ ପିନ୍ଧିବା ସହ ହାତରେ କ୍ରିଷ୍ଟଲ ଆୱାର୍ଡ ଧରିଥିବାର ନଜର ଆସୁଛନ୍ତି ।