ମୁମ୍ବାଇ: ବି-ଟାଉନର ସୁପରଷ୍ଟାର କପଲ ଦୀପିକା ପାଦୁକୋନ ଓ ରଣବୀର ସିଂ ନିକଟରେ ଖୁବ ଧୁମଧାମରେ ନିଜର ପ୍ରଥମ ବିବାହ ବାର୍ଷିକୀ ପାଳନ କରିଥିଲେ । ଏହି ଯୋଡି ପ୍ରଥମ ବିବାହ ବାର୍ଷିକୀରେ ପ୍ରଥମେ ତିରୁପତି ମନ୍ଦିର ଦର୍ଶନ କରି ଆଶିର୍ବାଦ ନେଇଥିଲେ । ଏହାର ପଞ୍ଜାବର ସ୍ବର୍ଣ୍ଣ ମନ୍ଦିରରେ ନଜର ଆସିଥିଲେ । ଯାହାର ଅନେକ ଫଟୋ ସୋସିଆଲ ମିଡିଆରେ ଦେଖିବାକୁ ମିଳିଥିଲା । ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଥିବା ଏହି ଯୋଡିଙ୍କ ଆଉ ଏକ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି । ଯାହା ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି ରଣବୀରଙ୍କ ଫ୍ୟାନ୍ସ ।
କାରଣ ଏହି ଭିଡିଓରେ ଦୀପିକା ସ୍ବାମୀ ରଣବୀରଙ୍କ ନିଶ କାଟୁଥିବାର ନଜର ଆସୁଛନ୍ତି । ନିଶ କଟି ସାରି ଦୀପିକା ଯେଉଁଠାରେ ଖୁସି ନଜର ଆସୁଛନ୍ତି, ସେହିଠାରେ ରଣବୀର ଦୁଃଖି ଦେଖାଯାଉଛନ୍ତି । ଯାହା ଉପରେ ଫ୍ୟାନ୍ସଙ୍କ ମଜାଦାର ପ୍ରତିକ୍ରିୟା ଦେଖିବାକୁ ମିଳୁଛି ।