ହାଇଦ୍ରାବାଦ: ବଲିଉଡ଼ ଓ କ୍ରିକେଟ ମଧ୍ୟରେ ରହିଛି ଏକ ସ୍ବତନ୍ତ୍ର ଧରଣର ସମ୍ପର୍କ । ଏହି କଥା ସେତେବେଳେ ପ୍ରମାଣ ହୋଇଥିଲା ଯେତେବେଳେ ବଲିଉଡ଼ ଷ୍ଟାର IPL ଟିମ କିଣିବା ଆରମ୍ଭ କରିଥିଲେ । କିନ୍ତୁ ବର୍ତ୍ତମାନ ଶାହାରୁଖ, ପ୍ରୀତି ଜିଣ୍ଟାଙ୍କ ସହ ଯୋଡ଼ି ହେବାକୁ ଯାଉଛି ଆଉ ଏକ ନାମ । ତେବେ ରଣବୀର ସିଂ ଓ ଦୀପିକା ପାଦୁକୋନ ଆଗାମୀ IPL ପାଇଁ ଏକ ଟିମ କିଣିବାକୁ ଯାଉଛନ୍ତି ବୋଲି ଚର୍ଚ୍ଚା ହେଉଛି । ଦୀପଭୀରଙ୍କ ଟିମର ଜର୍ସିକୁ ନେଇ ଦିନେଶ କାର୍ତ୍ତିକ ଏକ ମଜାଳିଆ ଟ୍ବିଟ କରିଥିବା ଦେଖିବାକୁ ମିଳିଛି ।
IPLର ଗଭର୍ଣ୍ଣିଂ ବଡ଼ି ଏହାର ନୂତନ ୨ଟି ଟିମର ନିଲାମି ପ୍ରକ୍ରିୟା ସମ୍ପର୍କରେ ଘୋଷଣା କରିଛି । ଏହି ଖବର ଆସିବା ପରେ ରଣବୀର ଓ ଦୀପିକାଙ୍କ ନାମ ମଧ୍ୟ ଯୋଡି ହୋଇଛି । ଏହି ଲୋକପ୍ରିୟ ଯୋଡ଼ି ଆଇପିଏଲରେ ଟିମ କିଣିପାରନ୍ତି ବୋଲି ସୋସିଆଲ ମିଡ଼ିଆରେ ଚର୍ଚ୍ଚା ଜୋର ଧରିଛି । ଏହି ଖବର କ୍ରିକେଟର ଦିନେଶ କାର୍ତ୍ତିକଙ୍କ ଆଖିରେ ପଡ଼ିବା ପରେ ସେ ଉକ୍ତ କମେଣ୍ଟକୁ ରିଟ୍ବିଟ କରି ଏକ ମଜାଳିଆ ପ୍ରସଙ୍ଗ ଉପରେ ଆଲୋଚନା କରିଛନ୍ତି । ଦିନେଶ ସେଥିରେ ଲେଖିଛନ୍ତି ଯେ ରଣବୀର-ଦୀପିକାଙ୍କ ଟିମର ଜର୍ସି ଦେଖିବା ପାଇଁ ନିଶ୍ଚିତ ଉତ୍କଣ୍ଠା ରହିବ । ରଣବୀର ଅତରଙ୍ଗୀ ଫ୍ୟାସନ ପୋଷାକ ପିନ୍ଧୁଥିବାରୁ ସେ ଏପରି ଟ୍ବିଟ କରିଛନ୍ତି ।