ହାଇଦ୍ରାବାଦ:ଅଭିଷେକ ବଚ୍ଚନ, ୟାମି ଗୌତମ ଏବଂ ନିମରତ କୌରଙ୍କ ଅଭିନୀତ ଚଳଚ୍ଚିତ୍ର 'ଦଶବି' ଟ୍ରେଲର ରିଲିଜ ହୋଇଛି । 2 ମିନିଟ 37 ସେକେଣ୍ଡର ଏହି ଟ୍ରେଲରରେ ଜବରଦସ୍ତ କମେଡି ରହିଛି । ଏହି କମେଡି ପ୍ୟାକ୍ ଟ୍ରେଲରରେ ଅଭିଷେକ ବଚ୍ଚନ ଜଣେ ଅଶିକ୍ଷିତ ରାଜନେତା ଭୂମିକାରେ ନଜର ଆସିଛନ୍ତି । ଫିଲ୍ମଟି ଦୀନେଶ ଭାଇଜାନ ଏବଂ ଜିଓ ଷ୍ଟୁଡିଓ ପ୍ରଡକ୍ସନର ମିଳିତ ଉଦ୍ୟମରେ ନିର୍ମାଣ କରାଯାଉଛି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ତୁଷାର ଜଲୋଟା ।
ଅଭିଷେକ ଏହି ଫିଲ୍ମରେ ଦଶମ ଫେଲ ହୋଇଥିବା ଜଣେ ମୁଖ୍ୟମନ୍ତ୍ରୀଙ୍କ ଭୂମିକାରେ ନଜର ଆସିବେ । ଫିଲ୍ମରେ ଦର୍ଶକମାନଙ୍କୁ ଏକ ରାଜନୈତିକ କମେଡି-ଡ୍ରାମାରେ ଭରପୁର କାହାଣୀ ଦେଖିବାକୁ ମିଳିବ । ଯାହା ଆଜିର ସମାଜରେ ଶିକ୍ଷାର ମହତ୍ତ୍ବ ବିଷୟରେ ଏକ ବାର୍ତ୍ତା ଦେବ । ୟାମି ଜଣେ ପୋଲିସ ଅଫିସର ଜ୍ୟୋତି ଦେଶୱାଲ ଭୂମିକାରେ ଦେଖାଯିବେ । ନିକଟରେ ଫିଲ୍ମରୁ ଅଭିଷେକଙ୍କ ଫାଷ୍ଟଲୁକ ପୋଷ୍ଟର ଜାରି କରାଯାଇଥିଲା । ଯେଉଁଥିରେ ତାଙ୍କ ଭିନ୍ନ ଅବତାର ଦେଖିବାକୁ ମିଳିଛି ।