ଚଣ୍ଡିଗଡ: ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଫରିଦାବାଦରେ ସ୍ବର୍ଗତ ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ପିତା କେକେ ସିଂଙ୍କୁ ଭେଟିଛନ୍ତି । ମୁଖ୍ୟମନ୍ତ୍ରୀ ଖଟ୍ଟର ଓ କେକେ ସିଂଙ୍କ ଏହି ବୈଠକ ଫରିଦାବାଦ ପୋଲିସ କମିଶନର ଓପି ସିଂଙ୍କ ଘରେ ହୋଇଥିଲା । ପ୍ରକାଶଥାଉକି, ପୋଲିସ କମିଶନର ଓପି ସିଂ ହେଉଛନ୍ତି ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଭିଣୋଇ । ମିଳିଥିବା ସୂଚନା ଅନୁଯାୟୀ, ମୁଖ୍ୟମନ୍ତ୍ରୀ ଓ କେକେ ସିଂଙ୍କ ମଧ୍ୟରେ ଏହି ସାକ୍ଷାତ ପ୍ରାୟ 10 ମିନିଟ୍ ପର୍ଯ୍ୟନ୍ତ ଚାଲିଥିଲା । ମନୋହର ଲାଲ ବୈଠକ ପରେ ଦିଲ୍ଲୀ ଯାଇଥିଲେ ।
ପ୍ରକାଶଥାଉକି, 3 ଅଗଷ୍ଟରେ ସୁଶାନ୍ତ ସିଂ ରାଜପୁତଙ୍କ ପିତା କେକେ ସିଂ ଫରିଦାବାଦ ଆସିଥିଲେ । ସେଦିନ ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାରେ ସେ ଏକ ବଡ ବିବୃତ୍ତି ଦେଇଥିଲେ । କେକେ ସିଂ କହିଛନ୍ତି ଯେ 25 ଫେବୃଆରୀରେ ସେ ସୁଶାନ୍ତ ସିଂ ରାଜପୁତଙ୍କ ଜୀବନ ପ୍ରତି ବିପଦ ଥିବା ନେଇ ବାନ୍ଦ୍ରା ପୋଲିସ (ମୁମ୍ବାଇ)କୁ ଜଣାଇଥିଲେ । ଅଭିଯୋଗ ସତ୍ତ୍ବେ ବାନ୍ଦ୍ରା ପୋଲିସ କୌଣସି ପଦକ୍ଷେପ ନେଇ ନଥିଲା ।