ମୁମ୍ବାଇ: ଦୀର୍ଘ ସମୟ ପରେ ହ୍ରିତିକ ନିଜର ଦମଦାର ଫିଲ୍ମ ନେଇ ପରଦାରେ ଖୁବ୍ ଶୀଘ୍ର ନଜର ଆସିବେ । ବିକାଶ ବହଲଙ୍କ ନିର୍ଦ୍ଦେଶିତ ଓ ହ୍ରିତିକଙ୍କ ଅଭିନୀତ ଆଗାମୀ ଫିଲ୍ମ 'ସୁପର-30' ଜୁଲାଇ 12ରେ ରିଲିଜ ହେବାକୁ ଯାଉଛି । ଫିଲ୍ମଟି ବିହାରର ଗଣିତଜ୍ଞ ଆନନ୍ଦ କୁମାରଙ୍କ ଉପରେ ଆଧାରିତ । କିନ୍ତୁ ଜଣାଇ ଦେଉଛୁ ଯେ ଫିଲ୍ମ ରିଲିଜ ପୂର୍ବରୁ ହିଁ ସମସ୍ତଙ୍କ ମନ କିଣିସାରିଲାଣି । ଖାଲି ଦେଶରେ ନୁହେଁ ବିଦେଶରେ ମଧ୍ୟ ହ୍ରିତିକଙ୍କ ଫିଭର ଦେଖିବାକୁ ମିଳୁଛି ।
ଆଜ୍ଞା ହଁ, ବର୍ତ୍ତମାନ ଫିଲ୍ମଟି କନାଡା ମିଡିଆରେ ଧୁମ ମଚାଇଛି । ଚାରି ଦିନ ପୂର୍ବରୁ ଫିଲ୍ମର ଟ୍ରେଲର ରିଲିଜ ହୋଇଥିଲା । ସୋସିଆଲ ମିଡିଆରେ ଟ୍ରେଲର ସାମ୍ନାକୁ ଆସିବା ମାତ୍ରେ ୟୁଟ୍ୟୁବରେ ନମ୍ବର 1ରେ ଟ୍ରେଣ୍ଡ କରିବାରେ ଲାଗିଛି । ରିଲିଜର ମାତ୍ର 72 ଘଣ୍ଟାରେ 3.36 କୋଟିରୁ ଅଧିକ ଦର୍ଶକ ଏହାକୁ ୟୁଟ୍ୟୁବରେ ଦେଖିସାରିଥିଲେ । କିନ୍ତୁ କଣ ଆପଣଙ୍କୁ ଜଣାଅଛି ଯେ ଫିଲ୍ମଟି ତିଆରି କରିବାର ପ୍ରେରଣା କେଉଁଠାରୁ ମିଳିଥିଲା । ଏହି କଥାର ଖୁଲାସା କରିଛନ୍ତି କନାଡା ରିପୋର୍ଟର ଷ୍ଟିଫେନୀ ନୋଲାନ । ସେ ଟ୍ବିଟ କରି ଏହାର ସୂଚନା ଦେଇଛନ୍ତି ।