ଆଲିୟାଙ୍କ ପ୍ରଶଂସାରେ ଅୟାନ

କ୍ୟୁଟ ଅଭିନେତ୍ରୀ ଆଲିୟା ଭଟ୍ଟଙ୍କ ପ୍ରଶଂସାରେ ନିର୍ଦ୍ଦେଶକ ଅୟାନ ମୁଖାର୍ଜୀ । ତାଙ୍କ ଆଗାମୀ ବହୁପ୍ରତିକ୍ଷିତ ଫିଲ୍ମ 'ବ୍ରହ୍ମାସ୍ତ୍ର'ରେ ନଜର ଆସିବେ ଆଲିୟା ।

ନୂଆଦିଲ୍ଲୀ: କିଛି ଦିନ ପୂର୍ବରୁ ବି-ଟାଉନର କ୍ୟୁଟ ଅଭିନେତ୍ରୀ ଆଲିୟା ଭଟ୍ଟ ଅଭିନୀତ 'ଗଲି ବୟ' ଫିଲ୍ମ ରିଲିଜ ହୋଇଥିଲା । ଯାହା ବକ୍ସ ଅଫିସରେ ଶାନଦାର କଲେକ୍ସନ କରି ହିଟ୍ ସାବ୍ୟସ୍ତ ହୋଇଛି । ମଙ୍ଗଳବାର ତାଙ୍କ ଅପକମିଂ ଫିଲ୍ମ 'କଲଙ୍କ'ର ଟିଜର ରିଲିଜ ହେବା ପରେ ସେ ପୁଣି ଦର୍ଶକଙ୍କ ସମେତ ଅନେକ ଷ୍ଟାରଙ୍କୁ ମଧ୍ୟ ଆକର୍ଷିତ କରିଛନ୍ତି ।

ଖୁବ୍ ଶୀଘ୍ର ସେ ନିର୍ଦ୍ଦେଶକ ଅୟାନ ମୁଖାର୍ଜୀଙ୍କ ଆଗାମୀ ସୁପରୱାର ଫିଲ୍ମ 'ବ୍ରହ୍ମାସ୍ତ୍ର'ରେ ନଜର ଆସିବେ । ଏହି ମୋଷ୍ଟ ଆୱେଟେଡ ଫିଲ୍ମରୁ ଆଲିୟାଙ୍କ ଫାଷ୍ଟଲୁକ ସାମ୍ନାକୁ ଆସିସାରିଛି । ଖାଲି ଏତିକି ନୁହେଁ ଅୟାନ ମଧ୍ୟ ଆଲିୟାଙ୍କ ପାୱର ବିଷୟରେ ଦର୍ଶକଙ୍କୁ ହିଣ୍ଟ ଦେଇଛନ୍ତି । ବର୍ତ୍ତମାନ ଆଲିୟାଙ୍କ ଆଉ ଦୁଇ ପ୍ରୋଜେକ୍ଟର ଖୁବ୍ ଚର୍ଚ୍ଚା ଚାଲିଛି । 'ଉଡତା ପଞ୍ଜାବ', 'ରାଜି', 'ଗଲି ବୟ' ଭଳି ଫିଲ୍ମ କରି ଆଲିୟା ସାବ୍ୟସ୍ତ କରିଦେଇଛନ୍ତି କି, କୌଣସି ମଧ୍ୟ ରୋଲରେ ନିଜକୁ ଫିଟ୍ କରିବା ତାଙ୍କ ପାଇଁ ସହଜ କଥା ।

ସେ ଆଲିୟାଙ୍କ ପାଇଁ ନିଜ ଇନଷ୍ଟାଗ୍ରାମରେ ଏକ ସ୍ନେହଭରା ପୋଷ୍ଟ ସେୟାର କରିଛନ୍ତି । ସେ 'ବ୍ରହ୍ମାସ୍ତ୍ର'ରେ ଆଲିୟଙ୍କ ସୁଟିଂ ସମୟର ଫଟୋ ସେୟାର କରି ଲେଖିଛନ୍ତି, "ସେ ନିଆଁ, ପବନ, ପାଣି, ଆଲୋକ ଏବଂ ଷ୍ଟାରଲାଇଟ ଭଳି ଚେହେରାର ମିଶ୍ରଣ ।"

ଏହି ପୋଷ୍ଟରେ ସେ ଆଲିୟାଙ୍କୁ ନେଇ ଏକ ସିକ୍ରେଟ କଥାର ଖୁଲାସା ମଧ୍ୟ କରିଛନ୍ତି । ସେ ଜଣାଇଛନ୍ତି ଯେ ଆଲିୟା 18 ବର୍ଷ ବୟସରୁ ଏଯାବତ ପୁରା ପରିବର୍ତ୍ତନ ହୋଇଯାଇଛନ୍ତି । ସେ ଲମ୍ବା ଯାତ୍ରା ସ୍ଥିର କରିସାରିଛନ୍ତି । 'କଲଙ୍କ' ଟିଜରରେ ତାଙ୍କ ସୁନ୍ଦରାତର ଏକ ଝଲକ ଦେଖିବାକୁ ମିଳିଥିଲା । ଏହିପରି ଆଗାମୀ ଭବିଷ୍ୟତରେ ମଧ୍ୟ ତାଙ୍କ ସୁନ୍ଦରତା ଆହୁରି ଦେଖିବାକୁ ମିଳିବ ।

ଯଦି ଫିଲ୍ମ 'ବ୍ରହ୍ମାସ୍ତ୍ର' ବିଷୟରେ କଥା ହେବା ତେବେ ଆଲିୟାଙ୍କ ରଣବୀର କପୁର, ଅମିତାଭ ବଚ୍ଚନ ଓ ମୌନୀ ରାୟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ପ୍ରଥମ ଭାଗ ଏବର୍ଷ ଖ୍ରୀଷ୍ଟମାସରେ ରିଲିଜ କରାଯିବ ।