ମୁମ୍ବାଇ: ଅଭିନେତ୍ରୀ ଆଲିଆ ଭଟ୍ଟ, ସଞ୍ଜୟ ଦତ୍ତ ଏବଂ ଆଦିତ୍ୟ ରୟ କପୁରଙ୍କ ଆଗାମୀ ଚଳଚ୍ଚିତ୍ର 'ସଡକ- ୨' ର ଟ୍ରେଲର ରିଲିଜ ହୋଇସାରିଛି ।
ଏହି ଚଳଚ୍ଚିତ୍ରର ଟ୍ରେଲର ରିଲିଜ୍ ହେବା ମାତ୍ରେ ସୁଶାନ୍ତଙ୍କ ପ୍ରଶଂସକମାନେ ଏହାକୁ ଟ୍ରୋଲ କରିବା ଆରମ୍ଭ କରିଥିଲେ । ଏହା ବ୍ୟତୀତ "ବଏକଟ୍ ସଡକ- ୨" ଟ୍ୱିଟରରେ ଟ୍ରେଣ୍ଡ କରୁଛି ।
ଫିଲ୍ମର ଟ୍ରେଲର ଦେଖିବା ପରେ ୟୁଜର୍ସମାନେ ଟ୍ୱିଟରରେ ନିଜର ମତ ପ୍ରକାଶ କରୁଛନ୍ତି । କିଛି ୟୁଜର୍ସ ଟ୍ରେଲରକୁ ଚମତ୍କାର ବୋଲି କହୁଥିବାବେଳେ ଅଧିକାଂଶ ୟୁଜର୍ସ ଏହାକୁ ସୋସିଆଲ ମିଡିଆରେ ଖରାପ ବୋଲି କହୁଛନ୍ତି ।
ଜଣେ ୟୁଜର୍ସ ଟୁଇଟ୍ କରି କହିଛନ୍ତି, ଫିଲ୍ମର ଟ୍ରେଲର ଆଉଟ ହୋଇଛି । ଏହାକୁ କେବଳ ଡିସ୍ ଲାଇକ କର ନାହିଁ, ବରଂ ଏହାକୁ ସବୁଠାରୁ ଖରାପ ଟ୍ରେଲର ବୋଲି କୁହ ।