ପାୟଲଙ୍କ ନାଁରେ ମାନହାନି କେସ କଲେ ରିଚା, 7ରେ ଶୁଣାଣି

ବୟାନରେ ରିଚାଙ୍କ ନାମ ନେଇ ଫସିଲେ ପାୟଲ । ଲାଗିଲା 1.1 କୋଟି ଟଙ୍କାର ମାନହାନି କେସ୍ । ଅଧିକା ପଢନ୍ତୁ...

ମୁମ୍ବାଇ: ଫେମସ ନିର୍ମାତା ଅନୁରାଗ କଶ୍ୟପଙ୍କ ଉପରେ ଯୌନ ଶୋଷଣ ଅଭିଯୋଗ ଆଣିଥିବା ଅଭିନେତ୍ରୀ ପାୟଲ ଘୋଷ ବର୍ତ୍ତମାନ ମାନହାନି କେସରେ ଫସି ଯାଇଛନ୍ତି । ତାଙ୍କ ଉପରେ ଏହି କେସ ଲଗାଇଛନ୍ତି ଲୋକପ୍ରିୟ ଅଭିନେତ୍ରୀ ରିଚା ଚଡ୍ଡା । ସେ ପାୟଲଙ୍କ ସମେତ ଅନ୍ୟ କେତେକ କଳାକାରଙ୍କ ଉପରେ 1.1 କୋଟି ମାନହାନି ମାମଲା ଦାୟର କରିଛନ୍ତି। ବର୍ତ୍ତମାନ ଏହି ନିଷ୍ପତ୍ତିକୁ ସୁରକ୍ଷିତ ରଖି ବମ୍ବେ ହାଇକୋର୍ଟ ଅକ୍ଟୋବର 7 ତାରିଖରେ ଶୁଣାଣି କରିବେ । କୋର୍ଟଙ୍କ କହିବାନୁସାରେ, ଯେଉଁମାନଙ୍କ ବିରୋଧରେ ମାମଲା ରୁଜୁ ହୋଇଛି ସେମାନଙ୍କୁ ନୋଟିସ ଦିଆଯାଇ ନ ଥିଲା, ତେଣୁ ସେମାନଙ୍କୁ କୋର୍ଟରେ ହାଜର ହେବାକୁ ଆଉ ଗୋଟିଏ ଦିନ ଦିଆଯାଇଛି।

ପ୍ରକାଶ ଥାଉକି ଯେତେବେଳେ ଅନୁରାଗଙ୍କ ଉପରେ ପାୟଲ ଯୌନ ଶୋଷଣ ଅଭିଯୋଗ କରିଥିଲେ, ସେତେବେଳେ ସେ କହିଥିଲେ ଯେ ଅନେକ ଅଭିନେତ୍ରୀ ଅଛନ୍ତି ଯେଉଁମାନେ ଅନୁରାଗଙ୍କ ସହ କାମ କରିବାକୁ ସବୁ କିଛି କରିବାକୁ ପ୍ରସ୍ତୁତ ଅଛନ୍ତି। ପାୟଲ ସେହି ଅଭିନେତ୍ରୀଙ୍କ ମଧ୍ୟରେ ରିଚା, ମାହି ଗିଲ ଏବଂ ହୁମା କ୍ୟୁରେସିଙ୍କ ନାଁ ନେଇଥିଲେ।

ପାୟଲଙ୍କ ଏହି ବୟାନରେ ରିଚା ତାଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଛନ୍ତି। ମଙ୍ଗଳବାର ଦିନ ଏହି ମାମଲାର ଶୁଣାଣି ହୋଇଥିଲା । ହେଲେ ଅନ୍ୟ ପକ୍ଷରୁ କେହି ଆସି ନଥିଲେ। ଏହି ମାମଲାକୁ ଆଉ ଗୋଟିଏ ଦିନ ପର୍ଯ୍ୟନ୍ତ ବମ୍ବେ ହାଇକୋର୍ଟ ସ୍ଥଗିତ ରଖିଛନ୍ତି। କୋର୍ଟ କହିଛନ୍ତି ଯେ ଉତ୍ତରଦାତାଙ୍କୁ ନୋଟିସ ପଠାଯାଇ ନାହିଁ ତେଣୁ ସେମାନଙ୍କୁ ପୁନର୍ବାର ପଠାଯିବା ଉଚିତ।

ରିଚା ଏହା ପୂର୍ବରୁ ଏକ ବୟାନ ମଧ୍ୟ ଦେଇଥିଲେ। ପାୟଲଙ୍କ ସାକ୍ଷାତକାର ପରେ ରିଚାଙ୍କ ଓକିଲ ଅଭିନେତ୍ରୀଙ୍କ ଷ୍ଟେଟମେଣ୍ଟ ପ୍ରକାଶ କରିଥିଲେ। ଯାହା ଅନୁଯାୟୀ, ରିଚା ତୃତୀୟ ପକ୍ଷ ଦ୍ବାରା ପ୍ରକାଶ କରାଯାଇଥିବା ବିବାଦକୁ ନିନ୍ଦା କରିଥିଲେ ଏବଂ ଅଭିଯୋଗରେ ତାଙ୍କ ନାମକୁ ମିଥ୍ୟା ଭାବରେ ସମ୍ପୃକ୍ତ କରାଯାଉଛି ବୋଲି କହିଥିଲେ ।