ହରିୟାଣାର କୁନି ଝିଅଙ୍କ ଫ୍ୟାନ ସାଜିଲେ ଅମିତାଭ

ଏଥର ଟ୍ବିଟରରେ ଜଣେ କୁନି କଳାକାରଙ୍କ ଡାନ୍ସ ଭିଡିଓ ସେୟାର କରି ପ୍ରଶଂସାରେ ବିଗ୍‌ ବି । ଅଧିକ ପଢନ୍ତୁ...

ମୁମ୍ବାଇ: ମହାନାୟକ ଅମିତାଭ ବଚ୍ଚନ ସବୁବେଳେ ସୋସିଆଲ ମିଡିଆରେ ସକ୍ରିୟ ରୁହନ୍ତି । ଫ୍ୟାନ୍ସଙ୍କ ସହ କନେକ୍ଟ ରହିବା ପାଇଁ ସେ ମଜାଦାର ଭିଡିଓଠୁ ନେଇ ମସ୍ତିଭରା ପୋଷ୍ଟ ମଧ୍ୟ କରୁଥିବାର ନଜର ଆସନ୍ତି । ଖାଲି ଏତିକି ନୁହେଁ ସେ ସୋସିଆଲ ମିଡିଆରେ ଦକ୍ଷ ପିଲାଙ୍କ ପ୍ରଶଂସା ମଧ୍ୟ କରନ୍ତି । ଏବେ ଏମିତି କିଛି ଦେଖିବାକୁ ମିଳୁଛି । ହରିୟାଣାର ଜଣେ କୁନି ଝିଅଙ୍କ ପ୍ରଶଂସା କରିବାରେ ସେ ଥକୁନାହାଁନ୍ତି ।

କଥାଟି ହେଲା ଯେ ଭାଇରାଲ ହେଉଥିବା ସେହି କୁନି ଝିଅ ଭିଡିଓରେ ଫେମସ ଗୀତ ‘ଗତ କା ଘୁଙ୍ଘଟ’ରେ ଜବରଦସ୍ତ ଡାନ୍ସ କରୁଥିବାର ଦେଖାଯାଉଛନ୍ତି । ଜୋତା ଖସି ଯିବାପରେ ମଧ୍ୟ ଝିଅର ଡାନ୍ସ ବନ୍ଦ ହୋଇନଥିଲା । ଆଉ ତାଙ୍କ ଅନ୍ଦାଜରେ ଦିୱାନା ହୋଇ ଅମିତାଭ ଭିଡିଓ ପୋଷ୍ଟ କରି ଲେଖିଛନ୍ତି, ‘ଶାନଦାର ପ୍ରତିଭା । ଜୁତି ବାହାରି ଗଲା ହେଲେ ଶୋ ମୋଷ୍ଟ ଗୋ ଅନ୍ ।’

ପ୍ରକାଶ ଥାଉକି ଅମିତାଭଙ୍କ ଏହି ଟ୍ବିଟରେ ଏଯାବତ 7ରୁ ଅଧିକ ଲାଇକ ମିଳିସାରିଲାଣି । ଏହି କୁନି ଝିଅଙ୍କ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଆପଣ ବି ଦେଖନ୍ତୁ ଭିଡିଓ...