ମୁମ୍ବାଇ: ଜବାହାରଲାଲ ନେହେରୁ ବିଶ୍ବବିଦ୍ୟାଳୟ(ଜେଏନୟୁ) ପରିସରରେ ରବିବାର ରାତିରେ ହିଂସା ଦେଖିବାକୁ ମିଳିଥିଲା। ଯେଉଁଠାରେ ଲାଠି ଧରିଥିବା କିଛି ଲୋକ ଛାତ୍ର, ଶିକ୍ଷକଙ୍କ ଉପରେ ଆକ୍ରମଣ କରିଥିଲେ। ଜେଏନୟୁ ପରିସରରେ ଥିବା ଅନେକ ସମ୍ପତ୍ତି ମଧ୍ୟ ନଷ୍ଟ କରିଥିଲେ । ଯାହାପରେ ବାଧ୍ୟ ହୋଇ ପ୍ରଶାସନ ପୋଲିସକୁ ଡାକିଥିଲା । ଏହି ଆକ୍ରମଣରେ ଜେଏନୟୁ ଛାତ୍ର ସଂଘର ଅଧ୍ୟକ୍ଷ ଆଈଶୀ ଘୋଷଙ୍କ ସହ ପାଖାପାଖି 28 ଜଣ ଆହତ ହୋଇଛନ୍ତି । ଏମାମନଙ୍କୁ ଏମ୍ସ ମେଡିକାଲରେ ଭର୍ତ୍ତି କରାଯାଇଛି ।
ବର୍ତ୍ତମାନ ଏହି ମାମଲାକୁ ସମସ୍ତ ନିନ୍ଦା କରିବାରେ ଲାଗିଛନ୍ତି । କେବଳ ଜନସାଧାରଣ ନୁହେଁ ବି-ଟାଉନ ସେଲିବ୍ରିଟି ମଧ୍ୟ ଏହି ମାମଲା ଉପରେ କଡା ନିନ୍ଦା କରୁଛନ୍ତି । ଫେମସ ଆକ୍ଟର ରାଜକୁମାର ରାଓଙ୍କଠୁ ନେଇ ଖିଲାଡି ଅକ୍ଷୟ କୁମାରଙ୍କ ପତ୍ନୀ ତଥା ଅଭିନେତ୍ରୀ ଟ୍ବିଙ୍କଲ ଖାନ୍ନ ମଧ୍ୟ ଏହି ମାମଲା ଉପରେ ନିଜ ପ୍ରତିକ୍ରିୟା ରଖିଛନ୍ତି ।
ସୋମବାର ସକାଳେ ରାଜକୁମାର ଜେଏନୟୁ ବିବାଦ ଉପରେ ଟ୍ବିଟ କରି ଲେଖିଛନ୍ତି, ‘ଜେଏନୟୁରେ ଯାହା ଘଟିଛି ତାହା ଲଜ୍ୟାଜନକ, ଭୟାନକ ଓ ଲୋମହର୍ଷଣକାରୀ । ଯେଉଁ ଲୋକ ଏହି ଆକ୍ରମଣ ପଛରେ ଅଛନ୍ତି, ସେମାନଙ୍କୁ ଦଣ୍ଡିତ କରାଯିବା କଥା #JNUViolence ।’
ଫଟୋ ସୌଜନ୍ୟ: ଟ୍ବିଟର@ରାଜକୁମାର ରାଓ ସେହିପରି ଟ୍ବିଙ୍କଲ ଟ୍ବିଟ କରି ଲେଖିଛନ୍ତି, ‘ଭାରତ, ଯେଉଁଠାରେ ଛାତ୍ରଙ୍କ ଠାରୁ ଗାଈ ଅଧିକ ସୁରକ୍ଷିତ। ଏହା ସେହି ଦେଶ ଯିଏ ଡରରେ ବଞ୍ଚିବାକୁ ମନା କରିଦେଇଛି । ଆପଣ ହିଂସା କରି ଲୋକଙ୍କୁ ଦବାଇ ପାରିବେ ନାହଁ । ଆଉ ଅଧିକ ବିରୋଧ ହେବ, ପ୍ରଦର୍ଶନ ଅଧିକ ହେବ, ସଡକକୁ ଅଧିକ ଲୋକ ଓହ୍ଲାଇବେ ।’
ଫଟୋ ସୌଜନ୍ୟ: ଟ୍ବିଟର@ଟ୍ବିଙ୍କଲ ଖାନ୍ନା ବି-ଟାଉନର ବିବାଦୀୟ ଅଭିନେତ୍ରୀ ସ୍ବରା ଭାସ୍କର ମଧ୍ୟ ରବିବାର ସୋସିଆଲ ମିଡିଆରେ ଜେଏନୟୁ ବିବାଦକୁ ନେଇ ଏକ ଭିଡିଓ ସେୟାର କରିଥିଲେ । ଆଉ ସେଥିରେ କହିଥିଲେ ଯେ ମୁହଁରେ କପଡା ବାନ୍ଧି କିଛି ଲୋକ ବିଶ୍ବବିଦ୍ୟାଳୟରେ ପଶି ହଷ୍ଟେଲ ଛାତ୍ର ଓ ଶିକ୍ଷକଙ୍କୁ ମାରୁଛନ୍ତି । ଖାଲି ଏତିକି ନୁହେଁ ସେ ଏହି କଥା କହି କାନ୍ଦି ପକାଇଥିଲେ । ସେ ନିଜ ଭିଡିଓରେ ଏବିବିପିକୁ ଦାୟୀ କରିଛନ୍ତି । ସେ ଅଭିଯୋଗ ଲଗାଇଛନ୍ତି ଯେ ମୁହଁରେ କପଡା ବାନ୍ଧି ଏବିଭିପି ପକ୍ଷରୁ ଆସିଥିଲେ। ସମସ୍ତଙ୍କୁ ଅନୁରୋଧ କରିଛନ୍ତି ଯେ ଅଧିକ ସଂଖ୍ୟାରେ ଜେଏନୟୁ ମେନ ଗେଟ ପାଖକୁ ଲୋକ ଆସନ୍ତୁ ଏବଂ ସରକାର ସହ ଦିଲ୍ଲୀ ପୋଲିସକୁ ଟାର୍ଗେଟ କରନ୍ତୁ । ସେ ଏହା ଅଭିଯୋଗ କରି ମଧ୍ୟ କହିଛନ୍ତି ସରକାର ଓ ଦିଲ୍ଲୀ ପୋଲିସ ଏହି ମାମଲାରେ ଜାଣିଶୁଣି କିଛି ମଧ୍ୟ କରୁନାହାଁନ୍ତି । କେବଳ ଯାତ୍ରା ଦେଖଛନ୍ତୁ ।
ପ୍ରକାଶ ଥାଉକି ସୋନମ କପୁର, ଶବାନା ଆଜମୀ, ଅନୁରାଗ କଶ୍ୟପ, କଙ୍କୋଣା ସେ ଶର୍ମା, ରିଚା ଚଡ୍ଡା, ତାପସୀ ପନ୍ନୁ, ଜେନେଲିୟା ଦେଶମୁଖ, ରିତେଶ ଦେଶମୁଖ ଓ ଜୀଶାନ ଆୟୁବ ମଧ୍ୟ ଏହି ଘଟଣାରେ ଟ୍ବିଟ କରିସାରିଛନ୍ତି।
ଫଟୋ ସୌଜନ୍ୟ: ଟ୍ବିଟର@ଜୀଶାନ ଆୟୁବ
