କଙ୍ଗନାଙ୍କ ଘରେ ବିବାହ ଋତୁ, ସେୟାର କଲେ ଖୁସି

ଭାଇରାଲ ହେଲା କଙ୍ଗନାଙ୍କ ନୂଆ ପୋଷ୍ଟ । ପୁତୁରାଙ୍କ ସହ ଆସିଲେ ନଜର । ପରିବାରରେ ବିବାହ ଉତ୍ସବକୁ ନେଇ ପ୍ରକାଶ କଲେ ଖୁସି ।

ମୁମ୍ବାଇ: ଗୋଟିଏ ପଟେ ବି-ଟାଉନ କୁଇନ କଙ୍ଗନା ରଣାୱତଙ୍କ ବିବାଦ ବଢିଚାଲିଛି । ହେଲେ ଏସବୁ ଜିନିଷକୁ ଖାତିର ନକରି ଏବେ ସେ ପରିବାର ସହ ଭାଇଙ୍କ ବିବାହ ଉତ୍ସବ ସେଲିବ୍ରେଶନ କରୁଛନ୍ତି । ମଙ୍ଗଳବାର ତାଙ୍କ ପାଇଁ ବହୁତ ଖାସ୍ ଦିନ ଥିଲା । କାରଣ ଭାଇଙ୍କ ବିବାହକୁ ନେଉ ସେ ବହୁତ ଉତ୍ସାହିତ ଥିଲା । ଯାହାର ସୂଚନା ସେ ସୋସିଆଲ ମିଡିଆରେ ଫ୍ୟାନ୍ସଙ୍କୁ ଦେଇଛନ୍ତି ।

ଟ୍ବିଟରରେ କିଛି ସୁନ୍ଦର ଫଟୋ ସେୟାର କରି ସେ କହିଛନ୍ତି ଯେ ମଙ୍ଗଳବାର ସମ୍ପର୍କୀୟ ଭାଇଙ୍କ ବିବାହ ପାଇଁ ପ୍ରସ୍ତୁତି ଆରମ୍ଭ ହୋଇଛି । ସେହିପରି କଙ୍ଗନା ନିଜ ପୁତୁରାଙ୍କ ସହ ଫଟୋରେ ନଜର ଆସୁଛନ୍ତି । ପୁତୁରାଙ୍କୁ କୋଳରେ ବସାଇଛନ୍ତି ସେ । ଏହାବ୍ୟତୀତ ସେ ନିଜର ଆଉ କିଛି ଫଟୋ ମଧ୍ୟ ସେୟାର କରିଛନ୍ତି ।

ଏହି ଫଟୋର କ୍ୟାପସନରେ ଲେଖିଛନ୍ତି, ‘ଘରେ ବିବାହ ଋତୁ। ଆଜି ମୋ ପପ୍ପି ପିଉସୀଙ୍କ ପୁଅ ବିଶୁଙ୍କ ବାହାଘର। ଏଥିପାଇଁ ମାଉସୀ ପୁତୁରା ସକାଳୁ ପ୍ରସ୍ତୁତ ଅଛନ୍ତି ।’ ପ୍ରକାଶ ଥାଉକି ନିକଟରେ ତାଙ୍କ ଆଉ ଜଣେ ସମ୍ପର୍କୀୟ ଭାଇ ବିବାହ କରିଥିଲେ । ଯାହାର ଫଟୋ, ଭିଡିଓ ସେୟାର କରି ଚର୍ଚ୍ଚାରେ ଆସିଥିଲେ କଙ୍ଗନା ।