‘ମିର୍ଜାପୁର 2’ ନଦେଖି ଭୁଲ୍ କରିଛ: ପଙ୍କଜ ତ୍ରିପାଠୀ

ନିଜ ଚର୍ଚ୍ଚିତ ସିରିଜ ‘ମିର୍ଜାପୁର’କୁ ନେଇ ଏମିତି କିଛି କହିଲେ ପଙ୍କଜ । ଖୁବଶୀଘ୍ର ମଲ୍ଟି ଷ୍ଟାରର ଫିଲ୍ମ ଲୁଡୋ ନେଇ ଫେରିବେ । ଅଧିକ ପଢନ୍ତୁ...

ମୁମ୍ବାଇ: ଲୋକପ୍ରିୟ ଅଭିନେତା ପଙ୍କଜ ତ୍ରିପାଠୀ ଗତ କିଛି ବର୍ଷ ମଧ୍ୟରେ ଶାନଦାର ଅଭିନୟ ପାଇଁ ଦର୍ଶକଙ୍କୁ ଦିୱାନା କରିଆସୁଛନ୍ତି । ନିକଟରେ ରିଲିଜ ହୋଇଥିବା ପପୁଲାର ୱେବ ସିରିଜ ‘ମିର୍ଜାପୁର 2’ରେ ତାଙ୍କ ଭୂମିକା କାଳିନ ଭୈୟାକୁ ବେଶ୍ ପସନ୍ଦ କରିଛନ୍ତି ସମସ୍ତେ । ସେପଟେ ଏହି ଭୂମିକାକୁ ନେଇ ସେ ନିଜ ମନ କଥା କହିଛନ୍ତି । ତେବେ ଆସନ୍ତୁ ଜାଣିବା କଣ କହିଲେ ସେ...

ଦେଇଥିବା ଏକ ସାକ୍ଷାତକାରରେ ସେ କହିଥିଲେ, ‘ମିର୍ଜାପୁରର କାଳିନ ଭୈୟା ସବୁବେଳେ ମୋ ହୃଦୟରେ ରହିବ । କାରଣ କାଳିନ ଭୈୟା ଅବତାର ମତେ ଲୋକପ୍ରିୟ କରିଛି । ମିର୍ଜାପୁରର ସବୁ ଭୂମିକା ଶାନଦାର । ହେଲେ ଦର୍ଶକଙ୍କ ଠୁ ମତେ ଅଧିକ ଭଲ ପାଇବା ମିଳିଛି । ଏବେ ସମସ୍ତେ ମତେ କାଳିନ ଭୈୟା ନାମରେ ଜାଣିଛନ୍ତି । ମିର୍ଜାପୁର ହେଉଛି ଏକ ଏମିତି ଶୋ ଯାହା ମୋ ହୃଦୟର ଅତି ନିକଟରେ ଅଛି। ଏହା ବିଶ୍ବସ୍ତରରେ ପସନ୍ଦ କରୁଥିବା ପ୍ରଶଂସକଙ୍କ କାରଣରୁ ନୁହେଁ, କିନ୍ତୁ ପ୍ରକୃତ କଥା ହେଉଛି ଏହା ଖୁବ୍ କମ୍ ଶୋ ମଧ୍ୟରୁ ଗୋଟିଏ ଯେଉଁଥିରେ ଏକ ଆକର୍ଷଣୀୟ କାହାଣୀ ଏବଂ ଏକ ମନୋରଞ୍ଜନ ଧାରଣା ଅଛି । ପ୍ରକୃତରେ ଏହାକୁ ବିଶ୍ବାସ କରିବା ପାଇଁ ଆପଣଙ୍କୁ ଏହା ଦେଖିବାକୁ ପଡିବ । ଯେପରି କୁହାଯାଏ, ସ୍ବାଦ ପାଇଁ ଖାଦ୍ୟ ଖାଇବାକୁ ପଡିବ। ମିର୍ଜାପୁରରେ ଯେଉଁ ସ୍ବାଦ ଅଛି ସମସ୍ତେ ଜାଣନ୍ତି । ଏହି ଶୋ’କୁ ନଦେଖି ଆପଣ କେବଳ କାଳିନ ଭୈୟାଙ୍କୁ ବ୍ୟଥିତ କରିନାହାଁନ୍ତି ବରଂ ପଙ୍କଜ ତ୍ରିପାଠୀଙ୍କ ହୃଦୟକୁ ମଧ୍ୟ ବ୍ୟଥିତ କରିଛନ୍ତି । ଶୋ ନଦେଖିବା ଆପଣଙ୍କର ବଡ ଭୁଲ ।’

ପ୍ରକାଶ ଥାଉକି ମିର୍ଜାପୁର ପ୍ରଥମ ସିଜନ ମଧ୍ୟ ଖୁବ୍ ଲୋକପ୍ରିୟ ହୋଇଥିଲା । ‘ମିର୍ଜାପୁର 2’ ବ୍ୟତୀତ ପଙ୍କଜ ପପୁଲାର ନିର୍ମାତା ଅନୁରାଗ ବାସୁଙ୍କ ଆଗାମୀ କମେଡି, ଥ୍ରିଲର ଫିଲ୍ମ ‘ଲୁଡୋ’ରେ ନଜର ଆସିବେ । ଯାହାର ଦମଦାର ଟ୍ରେଲର ନିକଟରେ ରିଲିଜ ହୋଇଥିଲା ।