ମୁମ୍ବାଇ: ଲୋକପ୍ରିୟ ଅଭିନେତା ଦିଲୀପ କୁମାରଙ୍କୁ ନେଇ ନୈରାଶ୍ୟଜନକ ଖବର ସାମ୍ନାକୁ ଆସିଛି । ବର୍ତ୍ତମାନ ତାଙ୍କ ପୁରା ପରିବାରରେ ଶୋକର ଛାୟା ଖେଳିଯାଇଛି । କାରଣ ତାଙ୍କ ସାନ ଭାଇ ଏହସାନ ଖାନ କୋରୋନା ଯୁଦ୍ଧରେ ହାରିଯାଇଛନ୍ତି । 90 ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ନିକଟରେ କୋରୋନା ସଂକ୍ରମିତ ହେବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ମୃତ୍ୟୁର ସୂଚନା ସୋସିଆଲ ମିଡିଆରେ ଦିଆଯାଇଛି ।
କୋରୋନାରେ ଦିଲୀପ କୁମାରଙ୍କ ସାନ ଭାଈ ବି ମୃତ - ଦିଲୀପ କୁମାରଙ୍କ ସାନ ଭାଈ ମୃତ
ଅଗଷ୍ଟ 21 ତାରିଖରେ ଦିଲୀପ କୁମାରଙ୍କ ସାନ ଭାଇ ଅସଲମ ଖାନଙ୍କ ମୃତ୍ୟୁ ହୋଇଥିଲା । ଆଉ ଗୁରୁବାର ତାଙ୍କ ଆଉ ଜଣେ ସାନ ଭାଇ ଏହସାନ ଖାନଙ୍କ ଦେହାନ୍ତ ହୋଇଛି । ଯାହାକୁ ନେଇ ବର୍ତ୍ତମାନ ଦୁଃଖରେ ପରିବାର ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଫ୍ୟାନକ୍ଲବ
ଦିଲୀପଙ୍କ ଟ୍ବିଟରରେ ଏକ ପୋଷ୍ଟ ଗୁରୁବାର ସେୟାର କରି ଲେଖାଯାଇଛି, ‘ଦିଲୀପଙ୍କ ସାନ ଭାଇ ଏହସାନ ଖାନ କିଛି ସମୟ ପୂର୍ବରୁ ଦୁନିଆ ଛାଡି ଚାଲିଯାଇଛନ୍ତି । ତାଙ୍କ ମୃତ୍ୟୁର କିଛି ଦିନ ପୂର୍ବରୁ ଦୀଲିପଙ୍କ ଅନ୍ୟ ସାନ ଭାଇ ଅସଲମ ଖାନଙ୍କ ମୃତ୍ୟୁ କୋରୋନା ସଂକ୍ରମିତ ପାଇଁ ହୋଇଥିଲା । ଦୁଇଜଣଙ୍କ ଆତ୍ମକୁ ଶାନ୍ତି ମିଳିବା ପାଇଁ ଦୟା କରି ପ୍ରାର୍ଥନା କରନ୍ତୁ ।’
ପ୍ରକାଶ ଥାଉକି ଏହସାନ ଓ ଅସଲମଙ୍କ ଏକାଠି କୋରୋନା ସଂକ୍ରମିତ ହୋଇଥିଲେ । ଯାହାପରେ ଦୁଇଜଣଙ୍କୁ ଲୀଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ହସ୍ପିଟାଲ ସୂଚନା ଅନୁଯାୟୀ ଏହସାନ ଓ ଅସଲମ ଦୁଇଜଣ ମଧୁମେହ, ଉଚ୍ଚ ରକ୍ତଚାପ ଏବଂ ଇସକେମିକ୍ ହୃଦ୍ ରୋଗରେ ପୀଡିତ ଥିଲେ । ଏହାସହ କୋଭିଡ୍ 19 ପଜିଟିଭ ମଧ୍ୟ ଦୁଇଜଣ ବାହାରିଥିଲେ । ଯାହାଦ୍ବାରା ଦୁଇଜଣଙ୍କ ସ୍ବାସ୍ଥ୍ୟବ୍ୟସ୍ଥା ବିଗିଡି ଯାଇଥିଲା । ଅଗଷ୍ଟ 21 ତାରିଖରେ ଅସଲମଙ୍କ ମୃତ୍ୟୁ ହୋଇଥିବା ବେଳେ ଏବେ ଏହସାନ ଶେଷ ନିଶ୍ବାସ ତ୍ୟାଗ କରିଛନ୍ତି ।