ନୂଆଦିଲ୍ଲୀ: ଡିସେମ୍ବର ୮ ତାରିଖ ଭାରତ ପାଇଁ ଏକ କଳାଦିନ କହିଲେ ଭୁଲ୍ ହେବ ନାହିଁ । ଆଜିର ଦିନରେ ଭାରତ ତାର ପ୍ରଥମ ସିଡିଏସ୍ ବିପିନ୍ ରାୱତଙ୍କୁ ହରାଇଛି । ତାମିଲନାଡ଼ୁର କୁନ୍ନୁରେ ହେଲିକପ୍ଟର ଦୁର୍ଘଟଣାରେ ବିପିନ ରାୱତଙ୍କ ସମେତ ତାଙ୍କ ପତ୍ନୀ ଓ ଅନ୍ୟ ୧୧ ସେନା ଅଧିକାରୀଙ୍କ ଦେହାନ୍ତ ହୋଇଛି । ସାରା ଦେଶକୁ ଏହି ଘଟଣା ସ୍ତବ୍ଧ କରି ଦେଇଛି । ଏହାକୁ ନେଇ ବଲିଉଡ ଜଗତରେ ମଧ୍ୟ ବିପିନ ରାୱତଙ୍କ ପାଇଁ ଶୋକର ଛାୟା ଖେଳି ଯାଇଛି ।
ଏହା ବି ପଢ଼ନ୍ତୁBipin Rawat Demise: ଶୋକ ପ୍ରକାଶ କଲେ ପ୍ରଧାନମନ୍ତ୍ରୀ-ମୁଖ୍ୟମନ୍ତ୍ରୀ
ଭେଟେରାନ ବଲିଉଡ ଅଭିନେତା ଅନୁପମ ଖେର୍ ଟ୍ବିଟ୍ କରି ବିପିନ ରାୱତଙ୍କୁ ନେଇ ଗଭୀର ଶୋକ ପ୍ରକାଶ କରିଛନ୍ତି । ସେ ଟ୍ବିଟ୍ କରିଛନ୍ତି ଯେ, "ଜେନେରାଲ ବିପିନ ରାୱତ ତାଙ୍କ ଧର୍ମ ପତ୍ନୀ ଓ ୧୧ ଜଣ ସେନା ଅଧିକାରୀଙ୍କ ଦେହାନ୍ତକୁ ନେଇ ମୁଁ ଅତ୍ୟନ୍ତ ଦୁଃଖିତ । ତାଙ୍କ ସହ ଦେଖା ହେବାର ସୌଭାଗ୍ୟ ଅର୍ଜନ କରିଛି ମୁଁ । ତାଙ୍କ ସହ ଦେଖା ହେଲେ ମୁହଁରୁ ଆପେ ଆପେ ଜୟ ହିନ୍ଦ୍ ବାହାରି ଯାଉଥିଲା ।"
ସେହିଭଳି ସୋନୁ ସୁଦ୍ ମଧ୍ୟ ବିପିନ ରାୱତଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ସେ ଟ୍ବିଟ୍ କରି କହିଛନ୍ତି ଯେ, "ଆପଣ ସବୁବେଳେ ବଞ୍ଚି ରହିବେ ସାର୍ ।"