ମୁମ୍ବାଇ: ଫେମସ ନିର୍ମାତା କରନ ଜୋହର ଫିଲ୍ମ ବ୍ୟତୀତ ସୋସିଆଲ ମିଡିଆରେ ନିଜ ଫଟୋ ପୋଷ୍ଟ କରିବାକୁ ବେଶ୍ ପସନ୍ଦ କରନ୍ତି । ସେ ସେଲ୍ଫି ଫଟୋରେ ପାଉଟ୍ କରିବାରେ ମାଷ୍ଟର ମଧ୍ୟ । ହେଲେ ଏଥର ସେ ନୂଆ ଜେନେରେସନଙ୍କୁ ଏହି କଳା ଶିଖାଇବା ପାଇଁ ଚାହୁଁଛନ୍ତି । ଯାହା ତାଙ୍କ ସୋସିଆଲ ମିଡିଆ ପୋଷ୍ଟରେ ଦେଖିବାକୁ ମିଳୁଛି । ଏହି ଟ୍ୟାଲେଣ୍ଟ ସେ ସୁପରଷ୍ଟାର ଶାହରୁଖ ଖାନଙ୍କ ଲାଡଲୀ ସୁହାନା ଖାନଙ୍କୁ ଶିଖାଇଛନ୍ତି ।
ଶାହରୁଖଙ୍କ ଲାଡଲୀଙ୍କୁ ପାଉଟ୍ ଟ୍ରେନିଂ ଦେଉଛନ୍ତି କରନ - ସୁହାନାଙ୍କୁ କରନ ଜୋହରଙ୍କ ପାଉଟ୍ ଟ୍ରେନିଂ
ଭାଇରାଲ ହେଲା କରନ ଓ ସୁହାନାଙ୍କ ନୂଆ ଫଟୋ । ନୂଆ ଯୁବପିଢିକୁ ପାଉଟ୍ ଟ୍ରେନିଂ ଦେବାକୁ ଲାଗିଛନ୍ତି କରନ । ଅଧିକ ପଢନ୍ତୁ...
ଫଟୋ ସୌଜନ୍ୟ: ଇନଷ୍ଟାଗ୍ରାମ@କରନ ଜୋହର
ସେହିପରି ସୁହନାଙ୍କ ସହ ନିଜର ପାଉଟ୍ ଫଟୋ ପୋଷ୍ଟ କରି ଲେଖିଛନ୍ତି, ‘ଯେତେବେଳେ ମୋ ପାଉଟ୍ ଦେଖାଏ ଅନ୍ୟ ଜେନେରେସନ ସହ ।’ ଏମିତି ପ୍ରଥମଥର ଦେଖିବାକୁ ମିଳୁନାହିଁ ଯେବେ କରନ କୌଣସି ଷ୍ଟାର କିଡ୍ସଙ୍କ ସହ ସୋସିଆଲ ମିଡିଆରେ ନିଜର ଫଟୋ ସେୟାର କରୁଥିବାର । ଏହାପୂର୍ବରୁ ମଧ୍ୟ ସେ ଅନେକ ଷ୍ଟାର କିଡ୍ସଙ୍କ ସହ ନଜର ଆସି ସାରିଲେଣି । ଏହି କ୍ରମରେ ସାମିଲ ଅଛନ୍ତି ଅନନ୍ୟା ପାଣ୍ଡେ, ଜାହ୍ନବୀ କପୁର, ଈଶାନ ଖଟ୍ଟର ଭଳି ଷ୍ଟାର କିଡ୍ସ ।
ଯଦି ସୁହାନାଙ୍କ କଥା ହେବା ତେବେ ଦୀର୍ଘ ସମୟରୁ ବଲିଉଡରେ ଡେବ୍ୟୁ କରିବାକୁ ନେଇ ଚର୍ଚ୍ଚାରେ । ହେଲେ ଏଯାବତ ସେ ନିଜ ତରଫରୁ କୌଣସି ଘୋଷଣା କରିନାହାଁନ୍ତି । ସେପଟେ ଶାହରୁଖ ମଧ୍ୟ ଝିଅର ଡେବ୍ୟୁକୁ ନେଇ ନିକଟରେ କହିଥିଲେ ସୁହାନା ନିଜ ପାଠ ପଢା ଶେଷ କରିସାରିବା ପରେ ବଲିଉଡରେ ଏଣ୍ଟ୍ରି କରିବେ ।