ମୁମ୍ବାଇ: ସୋମବାର ଫେମସ ନିର୍ମାତା ତଥା ନିର୍ଦ୍ଦେଶକ ଆନନ୍ଦ ଏଲ ରାୟ 50 ବର୍ଷରେ ପାଦ ଥାପିଛନ୍ତି । 1971 ଜୁନ 28ରେ ଜନ୍ମିତ ଆନନ୍ଦ ବଲିଉଡକୁ ଦେଇସାରିଛନ୍ତି ଅନେକ ସୁପରହିଟ୍ ଫିଲ୍ମ । ଅନେକ ସେଲିବ୍ରିଟି ଏମିତି ଅଛନ୍ତି, ଯିଏ ଜନ୍ମଦିନରେ ଗ୍ରାଣ୍ଡ ପାର୍ଟିର ଆୟୋଜନ କରି ଖୁବ୍ ଏନଜୟ କରୁଥିବାର ନଜର ଆସନ୍ତି । ହେଲେ ଆନନ୍ଦ ଏହି ସେଲିବ୍ରିଟିଙ୍କ ଠାରୁ ସମ୍ପୂର୍ଣ୍ଣ ଭିନ୍ନ । କାରଣ ସେ ଜନ୍ମଦିନରେ ପାର୍ଟି କରିବାକୁ ପସନ୍ଦ କରନ୍ତି ନାହିଁ ।
ଆନନ୍ଦଙ୍କ ଅନୁଯାୟୀ ଏପରି ବିଶେଷ ଦିନରେ ସେ ଫିଲ୍ମ ନିର୍ମାଣ କରିବାକୁ କିମ୍ବା ପରିବାର ସହ ସମୟ ବିତାଇବାକୁ ବେଶ୍ ଭଲ ପାଆନ୍ତି । ଯଦି ଜନ୍ମଦିନରେ କିଛି ବିକଳ୍ପ ତାଙ୍କୁ ଦିଆଯାଏ, ତେବେ ସେ ସୁଟିଂ ସେଟରେ ରହିବାକୁ ପସନ୍ଦ କରିବି । ନହେଲେ ପରିବାର ସହ ସ୍ବାଦିଷ୍ଟ ଖାଦ୍ୟ ଖାଇବା ଆଉ ପସନ୍ଦୀୟ ଗୀତ ଶୁଣି ଘରେ ସମସ୍ତଙ୍କ ସହ ଏନଜୟ କରିବାକୁ ଭଲ ପାଇବି ।’