ବଲିଉଡ ଡ୍ରଗ୍ସ ମାମଲା: ଆଉ ଜଣେ ଅଭିନେତାଙ୍କୁ ଖୋଜୁଛି ଏନସିବି

ବଲିଉଡ ଡ୍ରଗ୍ସ ମାମଲାରେ ଆଉ ଜଣେ ଅଭିନେତାଙ୍କ ନାମ ସାମିଲ ହୋଇଛି । ଯାହାଙ୍କୁ ଖୋଜିବା ପାଇଁ ସର୍ଚ୍ଚ ଅପରେସନ ଚଳାଇଛି ଏନସିବି । ଅଧିକ ପଢନ୍ତୁ:

ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃ୍ତ୍ୟୁ ସହ ସମ୍ପୃକ୍ତ ଥିବା ଡ୍ରଗ୍ସ କାରବାରର ଯାଞ୍ଚ ଏଯାବତ କରୁଛି ଏନସିବି । ଅନେକ କଳାକାରଙ୍କ ନାମ ଏହି ମାମଲାରେ ସାମ୍ନାକୁ ଆସି ସାରିବା ପରେ ଏବେ ଆଉ ଜଣେ ଅଭିନେତାଙ୍କୁ ଖୋଜିଛି ଏନସିବି। ଅଭିନେତା ଅର୍ଜୁନ ରାମପାଲଙ୍କ ଗାର୍ଲଫ୍ରେଣ୍ଡ ଗାର୍ବିଏଲା ଡେମେଟ୍ରିଏଡ୍ସଙ୍କ ଭାଇ ଅଗିସିଲାଓସ ଏବଂ ନିର୍ଦ୍ଦେଶକ ସାହିଲ କୋହଲିଙ୍କୁ ପଚରାଉଚରା ବେଳେ ଏହି ଅଭିନେତଙ୍କ ନାମ ସାମ୍ନାକୁ ଆସିଥିଲା । ହେଲେ ଏପର୍ଯ୍ୟନ୍ତ ଏନସିବି ଅଭିନେତାଙ୍କ ପରିଚୟ ପ୍ରକାଶ କରି ନାହିଁ।

ବର୍ତ୍ତମାନ ଏନସିବି ଅଭିନେତାଙ୍କୁ ଧରିବା ପାଇଁ ଏକ ସର୍ଚ୍ଚ ଅପରେସନ ଆରମ୍ଭ କରିଛି । ଡ୍ରଗ୍ ସେବନ କରି ଏହାକୁ ବିକ୍ରି କରିବା ପାଇଁ ଅଭିନେତା ଏନସିବି ଟାର୍ଗେଟରେ ଅଛନ୍ତି। ଏନସିବି ସୂତ୍ର ଅନୁଯାୟୀ, ଅଭିନେତାଙ୍କୁ ଏଜେନ୍ସିରୁ ଡକାଯାଇଛି। ଏନସିବି ଅଧିକାରୀ ମୁମ୍ବାଇର ଆବାସିକ ଅଞ୍ଚଳରେ ସର୍ଚ୍ଚ ଅପରେସନ କରୁଛନ୍ତି।