ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ସହ ସମ୍ପୃକ୍ତ ଥିବା ବଲିଉଡ ଡ୍ରଗ୍ସ କେସରେ କ୍ରମାଗତ ଯାଞ୍ଚ କରୁଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) । ଏହି ଡ୍ରଗ୍ସ ମାମଲାରେ ଅଭିନେତା ଏଜାଜ ଖାନଙ୍କୁ ଏନସିବି ଗିରଫ କରିଛି । ମଙ୍ଗଳବାର ସନ୍ଧ୍ୟାରେ ଖାନଙ୍କୁ ମୁମ୍ବାଇ ବିମାନ ବନ୍ଦରରେ ଗିରଫ କରାଯାଇଥିଲା। ଏହି ପ୍ରସଙ୍ଗରେ ଏଜେନ୍ସି ମୁମ୍ବାଇର ଦୁଇଟି ସ୍ଥାନରେ ଚଢାଉ କରିଥିଲା।
ଏଜାଜଙ୍କୁ ରିମାଣ୍ଡରେ ନେଇ ମୁମ୍ବାଇର ଏକ କୋର୍ଟରେ ତାଙ୍କୁ ପ୍ରସ୍ତୁତ କରିବା ପୂର୍ବରୁ ଏନସିବି ଅଭିନେତାଙ୍କୁ ଡାକ୍ତରୀ ଯାଞ୍ଚ କରାଇଛି । ସେପଟେ ଗିରଫ ହେବା ପରେ ଏଜାଜ କହିଛନ୍ତି, ‘ମୋ ଘରେ କେବଳ 4 ଟି ଶୋଇବା ବଟିକା ମିଳିଥିଲା । ମୋ ପତ୍ନୀ ଗର୍ଭବତୀ ଅଛନ୍ତି ଏବଂ ଏହି ବଟିକାକୁ ଆଣ୍ଟିଡିପ୍ରେସାଣ୍ଟ ଭାବରେ ବ୍ୟବହାର କରୁଛନ୍ତି ।’