ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାର ଯାଞ୍ଚ ସମୟରେ ସାମ୍ନାକୁ ଆସିଥିବା ଡ୍ରଗ୍ସ କନେକ୍ସର ସବୁ କୋଣକୁ ଦୀର୍ଘ ସମୟ ଧରି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଅନୁସନ୍ଧାନ କରିଆସୁଛି । ବର୍ତ୍ତମାନ ଏନସିବିର ଏକ ସୂତ୍ରରୁ ନୂଆ ଖବର ସାମ୍ନାକୁ ଆସିଛି । ଶୁଣିବାକୁ ମିଳୁଛି ଯେ ତଦନ୍ତକାରୀ ସଂସ୍ଥା ଗତ 45 ଦିନ ମଧ୍ୟରେ ବଲିଉଡ ସେଲିବ୍ରିଟି ଏବଂ ସେମାନଙ୍କ ସହଯୋଗୀଙ୍କ 85 ଟି ଗ୍ୟାଜେଟକୁ ଗାନ୍ଧିନଗରସ୍ଥିତ ଫରେନ୍ସିକ ସାଇନ୍ସ ନିର୍ଦ୍ଦେଶାଳୟକୁ ପଠାଇଛି । ଜବତ ହୋଇଥିବା 30ଟି ସେଲ ଫୋନରୁ ମିଳିଥିବା ଡିଏଫଏସରୁ ତାରିଖ ଆଧାରରେ ଏନସିବି ମୁମ୍ବାଇରେ ଚଢାଉ କରି ଅନେକ ଲୋକଙ୍କୁ ଗିରଫ ମଧ୍ୟ କରିଛି ।
ବଲିଉଡ ଡ୍ରଗ୍ସ ଲିଙ୍କ: ସେଲିବ୍ରିଟିଙ୍କ 85ଟି ଗ୍ୟାଜେଟର ହେବ ଯାଞ୍ଚ
ପୁଣି ସୁଶାନ୍ତଙ୍କ ମାମଲାରେ ସାମ୍ନାକୁ ଆସିଲା ନୂଆ ଖବର । ଏଥର ସେଲିବ୍ରିଟିଙ୍କ 85 ଟି ଗ୍ୟାଜେଟକୁ ଫରେନ୍ସିକ ସାଇନ୍ସ ନିର୍ଦ୍ଦେଶାଳୟକୁ ପଠାଇଛି । ଅଧିକ ପଢନ୍ତୁ...
ଫଟୋ ସୌଜନ୍ୟ: ଇଟିଭି ଭାରତ, ବ୍ୟୁରୋ
ସୂତ୍ର ତରଫରୁ ଆହୁରି ମଧ୍ୟ କୁହାଯାଇଛି ଯେ ରିଆ ଚକ୍ରବର୍ତ୍ତୀ, ତାଙ୍କ ଭାଇ ସୌଭିକ, ସାରା ଅଲ୍ଲୀ ଖାନ, ଅର୍ଜୁନ ରାମପାଲ, ଶ୍ରଦ୍ଧା କପୁର, ଦୀପିକା ପାଦୁକୋନ ଏବଂ ସେମାନଙ୍କ ସହଯୋଗୀଙ୍କ ମୋବାଇଲ ଫୋନ ଗୁଡିକ ନିଶା ନିବାରଣର ଶୃଙ୍ଖଳା ପ୍ରତିଷ୍ଠା ପାଇଁ ବିସ୍ତୃତ ପରୀକ୍ଷା ପାଇଁ ପଠାଯାଇଛି । ସହରରେ ଚଢାଉ ବେଳେ ଜବତ ହୋଇଥିବା ଡ୍ରଗ୍ସ ନମୁନାକୁ ମଧ୍ୟ ଫରେନ୍ସିକ୍ ସାଇନ୍ସ ଲାବୋରେଟୋରୀ (FSL) କୁ ପଠାଯାଇଛି ।
ସେପଟେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ସୁଶାନ୍ତଙ୍କ ମୃତ୍ୟୁ ମାମଲାରେ ମନି ଲଣ୍ଡରିଂ କୋଣ ଯାଞ୍ଚ କରୁଛନ୍ତି । ଡ୍ରଗ୍ସ କାରବାର ସହ ଜଡିତ ଚାଟ ଏନସିବିକୁ ହସ୍ତାନ୍ତର କରିଛନ୍ତି । ଯାହା ଅନୁସନ୍ଧାନକାରୀ ସଂସ୍ଥା ସମାନ୍ତରାଳ ଯାଞ୍ଚ ଆରମ୍ଭ କରିଛି । ରିଆ ଏବଂ ସୌଭିକଙ୍କୁ ଏନସିବି ଗିରଫ କରିଥିଲ ଏବଂ କିଛି ଦିନ ଜେଲରେ ରହିବା ପରେ ସେମାନଙ୍କୁ ଜାମିନ ପ୍ରଦାନ କରାଯାଇଥିଲା । ଏହି ଦୁଇଜଣଙ୍କ ଗିରଫ ବ୍ୟତୀତ ଏନସିବି ବଲିଉଡର ଅନେକ ସେଲିବ୍ରିଟି ତଥା ଡ୍ରଗ୍ସ ଡିଲରଙ୍କ ଉପରେ ମଧ୍ୟ ଯାଞ୍ଚ ଚଳାଇଛି ।