ଭାରତ ବନ୍ଦକୁ କଙ୍ଗନାଙ୍କ ବିରୋଧ, କାହାଣୀ ଶେଷ କରିବାକୁ ଆହ୍ବାନ

ପୁଣି ଭାଇରାଲ ହେଲା କଙ୍ଗନାଙ୍କ ଟ୍ବିଟ । ଭାରତ ବନ୍ଦ ବିରୋଧରେ ଆସିଲେ ନଜର । ପୂର୍ବରୁ କୃଷକ ଆନ୍ଦୋଳନରେ ରଖିସାରିଛନ୍ତି ବିବାଦୀୟ ପ୍ରତିକ୍ରିୟା । ଅଧିକ ପଢନ୍ତୁ...

ମୁମ୍ବାଇ: କଙ୍ଗନା ରାଣାୱତ ଦେଶର ସବୁ ପ୍ରସଙ୍ଗ ଉପରେ ନିଜ ପ୍ରତିକ୍ରିୟା ଦେବାକୁ କେବେ ଭୁଲନ୍ତି ନାହିଁ । କିଛି ଦିନ ପୂର୍ବରୁ ଦେଶରେ ଚାଲିଥିବା କୃଷକ ଆନ୍ଦୋଳନରେ ବିବାଦୀୟ ଟ୍ବିଟ କରି ସେ ସମାଲୋଚନାର ଶିକାର ହୋଇଥିଲେ । ଆଉ ଆଜି କୃଷକ ଆନ୍ଦୋଳ ପାଇଁ ଭାରତ ବନ୍ଦ ପ୍ରସଙ୍ଗ ଉପରେ ପୁଣି ପ୍ରତିକ୍ରିୟା ଦେଇ ଚର୍ଚ୍ଚାରେ । ଏଥର ମଧ୍ୟ ସେ ଭାରତ ବନ୍ଦର ବିରୋଧ କରୁଥିବାର ନଜର ଆସୁଛନ୍ତି । ସେ ଯେଉଁ ଭିଡିଓ ସେୟାର କରିଛନ୍ତି ସେଥିରେ ସଦଗୁରୁ ପ୍ରୋଟେଷ୍ଟ ପ୍ରସଙ୍ଗ ଉପରେ ନିଜ ବିଚାର ରଖୁଥିବାର ଦେଖାଯାଉଛନ୍ତି ।

ସେପଟେ ଏହାକୁ ପୋଷ୍ଟ କରି କଙ୍ଗନା ଲେଖିଛନ୍ତି, ‘ଆସନ୍ତୁ ଭାରତକୁ ବନ୍ଦ କରିବା । ଏମିତି ତ ଏହି ଡଙ୍ଗାରେ ଝଡବର୍ଷାର ଅଭାବ ନାହିଁ । ପ୍ରତ୍ୟେକ ଆଶା ପ୍ରତିଦିନ ମରିଯାଏ, ଦେଶଭକ୍ତମାନଙ୍କୁ କୁହ ବର୍ତ୍ତମାନ ନିଜ ପାଇଁ ଦେଶର ଏକ ଖଣ୍ଡ ମାଗିନିଅନ୍ତୁ । ରାସ୍ତାକୁ ଆସ ଏବଂ ତୁମେ ମଧ୍ୟ ଆନ୍ଦୋଳନ କର ।’

ପ୍ରକାଶ ଥାଉକି କୃଷକ ଆନ୍ଦୋଳନ ପ୍ରସଙ୍ଗକୁ ନେଇ ଅଭିନେତା ଦିଲଜିତ ଦୋସାଞ୍ଝ ଓ କଙ୍ଗନାଙ୍କ ମଧ୍ୟରେ ଟ୍ବିଟର ୱାର ଦେଖିବାକୁ ମିଳିଥିଲା । କଙ୍ଗନାଙ୍କ ବିବାଦୀୟ ବୟାନରେ ଅସନ୍ତୋଷ ପ୍ରକାଶ କରିଥିଲେ ଦିଲଜିତ ।