ହାଇଦ୍ରାବାଦ: ଅଷ୍ଟ୍ରେଲୀୟ କ୍ରିକେଟ କିମ୍ବଦନ୍ତୀ ତଥା କ୍ରିକେଟ ଇତିହାସର ଅନ୍ୟତମ ସର୍ବକାଳୀନ ଶ୍ରେଷ୍ଠ ଲେଗ ସ୍ପିନର ସେନ ୱାର୍ଣ୍ଣଙ୍କ ଗତକାଲି ରାତିରେ ଦେହାନ୍ତ ହୋଇଛି । ସେ 52 ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଏହି ମହାନ ଖେଳାଳିଙ୍କ ବିୟୋଗରେ ସାରା ବିଶ୍ବରେ ଥିବା ତାଙ୍କ ପ୍ରଶଂସକମାନେ ଚକିତ ହୋଇଯାଇଛନ୍ତି । ସେନ ୱାର୍ଣ୍ଣଙ୍କ ଦେହାନ୍ତରେ ସମଗ୍ର ବଲିଉଡ ଶ୍ରଦ୍ଧାଞ୍ଜଳି ଅର୍ପଣ କରିଛି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଗତକାଲି( ଶୁକ୍ରବାର) କୋହ ସାମୁଇର ଏକ ଭିଲ୍ଲାରେ ଚେତାଶୂନ୍ୟ ହୋଇପଡିଥିଲେ ୱାର୍ଣ୍ଣ, ସାଙ୍ଗ ମାନଙ୍କ ଶତଚେଷ୍ଟା ସତ୍ତ୍ବେ ତାଙ୍କ ଜୀବନ ରକ୍ଷା କରାଯାଇପାରିନଥିଲା । ସେନ ୱାର୍ଣ୍ଣଙ୍କ ମୃତ୍ୟୁକୁ ନେଇ ଚଳଚ୍ଚିତ୍ର ଜଗତରେ ଶୋକର ଲହରୀ ଖେଳିଯାଇଛି ଏବଂ ସେମାନେ କ୍ରିକେଟରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି ।
ଅକ୍ଷୟ କୁମାର ଟ୍ବିଟ୍ କରି ଲେଖିଛନ୍ତି, 'ସେନ ୱାର୍ଣ୍ଣଙ୍କ ଆକସ୍ମିକ ମୃତ୍ୟୁ ବିଷୟରେ ଶୁଣି ଦୁଃଖିତ, ଆପଣ ଏହି ବ୍ୟକ୍ତିଙ୍କୁ ନ ଜାଣି କ୍ରିକେଟ୍ ଖେଳକୁ ଭଲ ପାଇପାରିନଥାନ୍ତେ, ଏହା ଅତ୍ୟନ୍ତ ହୃଦୟ ବିଦାରକ ଖବର, ଓମ୍ ଶାନ୍ତି'।
ଭେଟେରାନ ଅଭିନେତା ଅନୁପମ ଖେର ମଧ୍ୟ ସେନ ୱାର୍ଣ୍ଣଙ୍କ ମୃତ୍ୟୁରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଅଭିନେତା ଲେଖିଛନ୍ତି, 'ମହାନ ସ୍ପିନ୍ ବୋଲରମାନଙ୍କ ମଧ୍ୟରୁ ସେନ ୱାର୍ଣ୍ଣଙ୍କ ଆକସ୍ମିକ ଦେହାନ୍ତରେ ଚକିତ ଓ ଦୁଃଖିତ, ସେ ପଡ଼ିଆରେ ଜଣେ ଯାଦୁକର ଥିଲେ, ମୁଁ ତାଙ୍କୁ ଲଣ୍ଡନର ଏକ ହୋଟେଲ ଲବିରେ ଭେଟିବାର ସୌଭାଗ୍ୟ ପାଇଥିଲି । RIP, ଆମେ ତୁମ ପ୍ରତିଭାକୁ ମନେ ପକାଇବୁ ।
ଏଥି ସହିତ ଦକ୍ଷିଣ ଅଭିନେତା ମହେଶ ବାବୁ ମଧ୍ୟ କ୍ରିକେଟର ସେନ ୱାର୍ଣ୍ଣଙ୍କ ମୃତ୍ୟୁକୁ ସମବେଦନା ଜଣାଇଛନ୍ତି । କିମ୍ବଦନ୍ତୀ କ୍ରିକେଟରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ଅଭିନେତା ଟ୍ୱିଟ୍ କରି ଲେଖିଛନ୍ତି, ଏହି ଖବର ଶୁଣି ଚକିତ ଏବଂ ଦୁଃଖିତ, ବିଶ୍ବ କ୍ରିକେଟ୍ ପାଇଁ ଅତ୍ୟନ୍ତ ଦୁଃଖଦ ଦିନ, ଆରପି ରୋଡ୍ ମୋର୍ସ୍ ଏବଂ ସେନ ୱାର୍ଣ୍ଣ, ତୁମେ ବହୁତ ମନେ ପଡିବ।
ଏହା ବି ପଢନ୍ତୁ: ସେହି ଶେଷ ଟ୍ବିଟ୍: କିଛି ଘଣ୍ଟା ପୂର୍ବରୁ ସାଥିଙ୍କୁ ଜଣାଇଥିଲେ ଶ୍ରଦ୍ଧାଞ୍ଜଳି, ନିଜେ ଚାଲିଗଲେ