ନୂଆଦିଲ୍ଲୀ: ଆଜି ପବିତ୍ର ରାମ ନବମୀ । ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀରାମ ଚନ୍ଦ୍ରଙ୍କ ଜନ୍ମତିଥି । ଆଜିର ଦିନରେ ପାପର କ୍ଷୟ ପାଇଁ ଧରାପୃଷ୍ଠକୁ ଓହ୍ଲାଇଥିଲେ ଶ୍ରୀରାମଚନ୍ଦ୍ର । ପ୍ରଭୁ ଶ୍ରୀରାମ ଥିଲେ ଧର୍ମର ପ୍ରତୀକ ।
ଆଜିର ଦିନରେ ଶ୍ରୀରାମଙ୍କ ଜନ୍ମତିଥି ପାଳନ ନେଇ ସାରା ଦେଶ ଉତ୍ସବ ମୁଖର ରହିବା କଥା । ବଡ ଧୁମଧୁମରେ ସ୍ବତନ୍ତ୍ର କାର୍ଯ୍ୟକ୍ରମ କରାଯାଇ ବିଭିନ୍ନ ରାମ ମନ୍ଦିରରେ ରାମ ନବମୀ ଉତ୍ସବ ପାଳନ ହୋଇଥାନ୍ତା । ମାତ୍ର ଚଳିତବର୍ଷ କୋରୋନା ଯୋଗୁଁ ସବୁକିଛି ଫିକା ପଡିଛି ।
ଏହି ବିଶେଷ ଉତ୍ସବରେ ଫ୍ୟାନ୍ସଙ୍କୁ 'ରାମ ନବମୀ'ର ଶୁଭେଚ୍ଛା ଜଣାଇଛନ୍ତି ବଲିଉଡ ସେଲିବ୍ରିଟି ।
ବଲିଉଡ ଅଭିନେତା ଅକ୍ଷୟ କୁମାର ଟ୍ବିଟ୍ କରି ଲେଖିଛନ୍ତି- 'ଟିମ୍ ରାମସେତୁ'ଙ୍କ ତରଫରୁ ସମସ୍ତଙ୍କୁ 'ରାମ ନବମୀ'ର ହାର୍ଦ୍ଦିକ ଶୁଭେଚ୍ଛା । 'ଜୟ ସିଆ ରାମ'।
କଙ୍ଗନା ରଣାୱତ ସଦଗୁରୁଙ୍କ ଟ୍ବିଟକୁ ରିଟ୍ବିଟ କରି ଲେଖିଛନ୍ତି, 'ଆଜି ରାମ ଲାଲାଙ୍କ ଜୟନ୍ତୀ, ସେ ଏପରି ଏକ ବ୍ୟକ୍ତି ଯିଏ ପ୍ରତ୍ୟେକ ଭାରତୀୟଙ୍କ ହୃଦୟରେ ବାସ କରନ୍ତି, ଯିଏ କି ନିଜର କାର୍ଯ୍ୟ ହେତୁ ଏହି ଜଗତକୁ ସର୍ବଦା ଶାସନ କରୁଥିଲେ । 'ରାମ ନବମୀ'ର ହାର୍ଦ୍ଦିକ ଶୁଭେଚ୍ଛା ' ।
ବଲିଉଡର ଜଣେ ଜଣାଶୁଣା ଅଭିନେତା ଅନୁପମ ଖେର ମଧ୍ୟ ଟ୍ବିଟ କରି ଲେଖିଛନ୍ତି, ସମସ୍ତଙ୍କୁ 'ରାମ ନବମୀ'ର ହାର୍ଦ୍ଦିକ ଶୁଭେଚ୍ଛା । ଜୟ ଶ୍ରୀ ରାମ' ।
ଅଭିନେତ୍ରୀ ନିମ୍ରତ କୌର ଟୁଇଟ୍ କରି ଲେଖିଛନ୍ତି, 'ପ୍ରଭୁ ରାମଙ୍କ ଦୟା ଆମ ସମସ୍ତଙ୍କ ଜୀବନରୁ ଅନ୍ଧକାରକୁ ଦୂରେଇ ଆଲୋକ ଦେଇଥାଏ । 'ହାପି ରାମ ନବମୀ' ।
ଅଭିନେତା ସଞ୍ଜୟ ଦତ୍ତ ଟ୍ବିଟ କରି ଲେଖିଛନ୍ତି, ସମସ୍ତଙ୍କୁ 'ହାପି ରାମ ନବମୀ' । ଘରେ ରୁହନ୍ତୁ, ସୁରକ୍ଷିତ ରୁହନ୍ତୁ ।
ଅମିତାଭ ବଚ୍ଚନ 'ରାମ ନବମୀ' ଅବସରରେ ଏକ ଭିଡିଓ ପୋଷ୍ଟ କରି ପ୍ରଶଂସକଙ୍କୁ ଅଭିନନ୍ଦନ ଜଣାଇଛନ୍ତି ।
