ମୁମ୍ବାଇ: ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ 84 ବର୍ଷ ବୟସରେ ଦେହାନ୍ତ ହୋଇଛି। ପ୍ରଣବଙ୍କୁ ଗତ କିଛି ଦିନ ହେବ ଦିଲ୍ଲୀର ସେନା ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହି ମାସରେ ସେ ତାଙ୍କର ବ୍ରନ ସର୍ଜରୀ କରିଥିଲେ, ଯାହାପରେ ସେ କୋମାରେ ଥିଲେ। ପ୍ରଣବଙ୍କ ଦେହାନ୍ତରେ ବଲିଉଡ ଜଗତରେ ମଧ୍ୟ ଶୋକର ଲହରୀ ଖେଳିଯାଇଛି।
ପୂର୍ବତନ ରାଷ୍ଟ୍ରପତିଙ୍କ ମୃତ୍ୟୁକୁ ନେଇ ଅଭିନେତ୍ରୀ ତାପସୀ ପନ୍ନୁ ଟ୍ବିଟ୍ କରି ଲେଖିଛନ୍ତି, "ମୁଁ ତାଙ୍କୁ ଭେଟିବାର ସୁଯୋଗ ପାଇଥିଲି। ମୁଁ ତାଙ୍କ ଉପସ୍ଥିତିରେ 'ପିଙ୍କ' ଦେଖିଥିଲି, ତା’ପରେ ପୁରା ଟିମ ପାଇଁ ରାତ୍ରୀ ଭୋଜନର ଆୟୋଜନ ମଧ୍ୟ କରାଯାଇଥିଲା। ସେହି ଅଭିଜ୍ଞତା ଏବଂ ତାଙ୍କର ଆଚରଣ ମୁଁ କେବେବି ଭୁଲି ପାରିବି ନାହିଁ। ସାର୍, ଆପଣ ସର୍ବଦା ମନେରହିବେ।
ଅଭିନେତା ରିତେଶ ଦେଶମୁଖ ରାଷ୍ଟ୍ରପତିଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ଲେଖିଛନ୍ତି, "ଅତ୍ୟନ୍ତ ଦୁଖଦାୟକ। ଭାରତ ପାଇଁ ଏକ ବଡ କ୍ଷତି। ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ସାର୍ ତାଙ୍କ କାର୍ଯ୍ୟ ତଥା ଭାରତର ବିକାଶରେ ତାଙ୍କର ଅବଦାନ ପାଇଁ ସର୍ବଦା ସ୍ମରଣୀୟ ରହିବେ। ମୁଁ ତାଙ୍କର ପରିବାର ଏବଂ ତାଙ୍କର ଲକ୍ଷ ଲକ୍ଷ ଅନୁଗାମୀଙ୍କୁ ମୋ ତରଫରୁ ଗଭୀର ସମବେଦନା ଜଣାଉଛି। "
ଏଥିସହିତ ଅଭିନେତ୍ରୀ ରବୀନା ଟଣ୍ଡନ ଟ୍ବିଟ୍ କରି କହିଛନ୍ତି ଯେ, ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଦେହାନ୍ତ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ। ମୁଁ ତାଙ୍କର ଆତ୍ମାର ଶାନ୍ତି ପାଇଁ ହୃଦୟରୁ ସମବେଦନା ଓ ପ୍ରାର୍ଥନା କରୁଛି।
ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନସ ନିଜର ଏକ ଥ୍ରୋ ବ୍ୟାକ୍ ଫଟୋ ସେୟାର କରି ଟ୍ବିଟ୍ କରି କହିଛନ୍ତି ଯେ, ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ସାର୍ ଆମ ଦେଶର ଅଭିବୃଦ୍ଧିରେ ଆପଣଙ୍କର ଅବଦାନ ସବୁଦିନ ପାଇଁ ସ୍ମରଣୀୟ ହୋଇ ରହିବ। ଆପଣଙ୍କ ପରିବାର ପ୍ରତି ହୃଦୟରୁ ସମବେଦନା।"