ମୁମ୍ବାଇ: ବିଜୁଳି ବିଭାଗର ପାୱାର ଗ୍ରୀଡ୍ ଫେଲ୍ ହେତୁ ସୋମବାର ସକାଳେ ଠପ ହୋଇଯାଇଥିଲା ଆର୍ଥିକ ରାଜଧାନୀ ମୁମ୍ବାଇ । ବିଦ୍ୟୁତ ଯୋଗାଣ ବ୍ୟାହତ ହେତୁ ଅତ୍ୟାବଶ୍ୟକ ସେବା ପାଇଁ ଚାଲୁଥିବା ମୁମ୍ବାଇର ଲାଇଫଲାଇନ୍ ଲୋକାଲ ଟ୍ରେନ ମଧ୍ୟ କିଛି ସମୟ ପାଇଁ ଅଟକି ଯାଇଥିଲା। ଏହି ମାମଲାରେ ସେଲିବ୍ରିଟିଙ୍କ ପ୍ରତିକ୍ରିୟା ବର୍ତ୍ତମାନ ସାମ୍ନାକୁ ଆସିଛି । ମହାନାୟକ ଅମିତାଭ ବଚ୍ଚନଙ୍କ ଠୁ ନେଇ ଅନୁପମ ଖେର ଟ୍ବିଟ କରି ନିଜ ମନ କଥା ପ୍ରକାଶ କରିଛନ୍ତି । ସେପଟେ ଵୃହନମୁମ୍ବାଇ ମହାନଗର ପାଳିକା ସୂଚନା ଦେଇଛନ୍ତି ଯେ ଟାଟାର ବିଜୁଳି ଯୋଗାଣ ବାଧାପ୍ରାପ୍ତ ହେବାରୁ ସହରରେ ବିଜୁଳି ଗ୍ରୀଡ୍ ଫେଲ୍ ହୋଇଛି।
ଗ୍ରୀଡ୍ ଫେଲ୍ ପାଇଁ ମୁମ୍ବାଇର ଅନ୍ଧେରୀ, ଜୁହୁ, ମୀରା ରୋଡ, ନବି ମୁମ୍ବାଇ, ଥାଣେ ଓ ପନୱେଲ ଅଞ୍ଚଳ ଅଧିକ ପ୍ରଭାବିତ ହୋଇଛି । ସ୍ଥାନୀୟ ଲୋକ ହଠାତ୍ କଟା ଯାଇଥିବା ବିଦ୍ୟୁତ ଉପରେ ଟ୍ବିଟ କରି ଅଭିଯୋଗ କରୁଛନ୍ତି ।