ମୁମ୍ବାଇ: ଗତ 20 ତାରିଖରେ ପଶ୍ଚିମବଙ୍ଗରେ ତାଣ୍ଡବ ରଚିଥିଲା ବାତ୍ୟା ଅମ୍ଫାନ। ଏହି ବାତ୍ୟାରେ ଅନେକ ଧନଜୀବନ ଚାଲିଯିବା ସହ କ୍ଷତିଗ୍ରସ୍ତ ହୋଇଛି ବିଭିନ୍ନ ସ୍ଥାନ । ଅମ୍ଫାନର ପ୍ରଭାବ ଓଡିଶାରେ ମଧ୍ୟ ଦେଖିବାକୁ ମିଳିଛି । ବର୍ତ୍ତମାନର ପରିସ୍ଥିତି ଉପରେ ଅନେକ ସେଲିବ୍ରିଟି ଚିନ୍ତା ପ୍ରକାଶ କରିଛନ୍ତି । ଏହି କ୍ରମରେ ସର୍ବପ୍ରଥମେ ସୁପରଷ୍ଟାର ତଥା ପଶ୍ଚିମବଙ୍ଗର ବ୍ରାଣ୍ଡ ଆମ୍ବାସଡର ଶାହରୁଖ ଖାନ ନଜର ଆସିଛନ୍ତି ।
ଚିନ୍ତା ପ୍ରକାଶ କରି ଶାହରୁଖ ଏକ ଟ୍ବିଟରେ ଲେଖିଛନ୍ତି, ‘ଅମ୍ଫାନରେ ପଶ୍ଚିମବଙ୍ଗ ଓ ଓଡିଶାରେ ପ୍ରଭାବିତ ହୋଇଥିବା ଲୋକଙ୍କ ସହ ମୋର ପ୍ରର୍ଥନା, ପ୍ରେମ ରହିଛି । ଏହି ଖବର ମୋତେ ଭାଙ୍ଗିଦେଇଛି । ପ୍ରଭାବିତ ଲୋକେ ମୋ ନିଜର । ମୋ ପରିବାର ଭଳି । ଆମକୁ ଏହି ଜଟିଳ ପରିସ୍ଥିତିରେ ମଜବୁତ ରହିବାର ଆବଶ୍ୟକ ଅଛି । ଆମେ ପୁଣି ଏକାଠି ହସିବା ।’